Twasa Kuhyana Bizindo!

Nga kanda mulizibeho laja ngoco, hamo mukamono byuma bya cifwa eci mu bingila bya kuliseza-seza. Ha bisimbu byabingi, tukamono nambe kuziba banu mubakabayandesa mwafwa ya lifuti kubatunda, muyati wabo nambe mwafwa ya kupwa baka-bundei. Mukemwo bifulumende bimo binatungu mashiko aje anyungilila banu na kwana kashitiko baje bakayandesa bakwabo mwafwa ya kubazinda.

Banu baje bakalizibi ngwabo banabazindi, nabo bakazindi bakwabo. Banu baje bakalizibi ngwabo babazinda bakalingi shambandinga, co oku kukalingisa kulizinda kutwaleleleho.

Hamo neni bamiyengwile, kumisinganyekela byuma byabibi, kumishaula nambe kumijujwisa. Co lalo kuli byuma bikwabo binasa kulingiwa mwafwa ya bizindo. Ebi byuma binasa kupwa kutuyandesa, kutubiisila byuma byetu, kutubulumuna, kutupika nambe kututsiya.

Ei magazini itukwasa kukumbulula bihula binatako, co lalo itumwesa mutwasa kuhyanena bizindo:

• Mwafwa bika banu babangi bazinda bakwabo?

• Twasa kumanesa bati bizindo?

• Kuma bizindo tangwa bikahwa hano hasi ndi?