Njambi Wamyaka Mbunge
MBIMBILIYA yasa kumitwamenena ku sipilitu. Kuyapwile libulu lije lyendeka bya bukangule bwa banu, oloni yasa kutukwasa. Cakumwenako, itukwasa tusinganyeke mwamubwa na kuliziba mwamubwa ku mubila na ku bwongo.
Co lalo cuma ca seho manene, Mbimbiliya imwesa mwamubwa ngwayo Yehova Njambia uje wapwa Ishamatanga wetu, akazibisisa mutukalizibila kutubakana munu woshe-woshe. Ashaka kutukwasa mu bukalu bwoshe-bwoshe butuli na kuliwana nabwo. Cakumwenako, tusimutwiyeni ha mikanda ibali ya mu Mbimbiliya ije izembeleka:
‘Shukulu Kalunga ali muyehi na baje banazeye mu bimbunge. Ikeye amena baje banajeneka lilabelelo.’—MYASO 34:18.
“Yange Kalunga Njambi yeni njikamikolesa na kumileka ngwange, ‘Keti muzibe lyoba njikamikwasa.’”—ISAYA 41:13.
Yehova asa kutukwasa bati nga tuli na kubinja mushongo wa ku bwongo? Bilongesa binatako bitukwasa kumona bingila byakapangesa mu kutukwasa.
a Yehova likelyo lizina lya Njambi.—Myaso 83:18.