Byuma Bitukwasa mu Kulilongesa

Lilongeseni Bifwa Bikwabo bya Yehova bya Kulitila

Omwo tutanda Mbimbiliya, twasa kutondesesa ha biñanda bitutanda mangana tuzibisise mwamubwa. Oloni kutwesi kutanda mangana tubwezelele lika ku byuma bituzibuka. Tushaka kuwana bisimpi bya seho bije bitukwasa kuzibuka bifwa bikwabo byakala nabyo Yehova mangana tutwaleleleho kumuzema. Twasa kulinga ngoco nga tulihula ngwetu, ‘Ei ñanda injinatanda injilongesa bika hali Yehova?’

Cakumwenako, mwasa kutondesesa omwo Yehova namwesela ngwendi wakala na cizemo, mana na nzili, co lalo akasompo mu kusungama. Nameme ngoco, ebi keti bikebyo lika bifwa byakala nabyo Yehova. Wakala na bifwa bikwabo lalo byabibwa. Mwasa kuwana bati biñanda bikwabo bije byendeka ha bifwa ebi?

Taleni mukana wa bifwa byakala nabyo Yehova bya kutubakana 50 bili mu Watch Tower Publications Index mwisi ya mutwe wa “Jehovah,” co taleni ha kamutwe ka “Qualities by Name.” Tondeseseni ha ñanda inalitombola nei imuli na kutanda mu Mbimbiliya. (Nga muli na kupangesa Buka ya Lipatisiso ya Lipaki za Jehova, taleni mwisi ya mutwe wa “Jehova Mulimu,” co taleni ha kamutwe ka “Tulemeno Twa Jehova.”)