Waneni Bisimpi Bimwasa Kupangesa

Omwo tutanda Mbimbiliya, twasa kuwana bisimpi bya seho nga tutondesesa. Bika byasa kutukwasa kuwana bisimpi bya seho nga tulilongesa Mbimbiliya?

Tondeseseni biñanda bikwabo byendeka ha ñanda ya mu Mbimbiliya imuli na kutanda. Cakumwenako, tondeseseni bya munu uje wasonekele owo muzimbu, banu bausonekelele na simbu yausonekele. Byuma byafwile bati? Bika byalingiwile simbu kanda asoneke owo muzimbu na munima ya kuusoneka?

Nangukeni byuma bimwasa kulilongesa ha kulihula bihula bya kufwa ngwe: ‘Banu babanasoneka omu mu mukanda balizibile bati? Bifwa muka bibamwesele? Mwafwa bika njinapande kutembwinina bifwa byabo nambe kujeneka kubitembwinina?’

Pangeseni byuma bimunalilongesa nga muli mu lihya nambe mu buyoye bweni bwa ha litangwa na litangwa. Nga mulinga ngoco, co mukala na mana. Mbimbiliya ngwayo: ‘Woshe ali na mana anyunga ebi byuma.’—Samu 107:43.

• Lingeni ebi: Nangukeni omwo biñanda bitukalilongesa mu ciwano ca mukati ka calumingo ha mutamba wa Bisimpi bya Seho bya mu Lijwi lya Njambi bikatukwaselamo kumona mutwasa kupangesela byuma bitulilongesa. Ou mutamba kakangi ukakala na bihula bitwasa kulihula, bisimpi bitwasa kusinganyekesesaho na bikupulo bitwasa kutalesesa.