Lekeniko Bakweni Bimunalilongesa

Kulilongesa Mbimbiliya kukatuhwimisa. Oloni tukalizibi manene kubwaha nga tulekako bakwetu byuma bitunalilongesa bije binatukwasa tushwene manene kuyehi na Yehova. Mukanda wa Provebia 11:25 ngwawo: “Uje ahwimisa bakwabo, nendi bamuhwimisa.”

Nga tulekako bakwetu byuma bitunalilongesa, kutukwasa kwanuka bisimpi bitunalilongesa na kubwezelela kukuzibisisa kwetu. Kuzibuka ngwetu bisimpi bitunawana byasa kukwasa bakwetu, kutushongangeya tubalekebyo.—Bili 20:35.

Esekeni kulinga ebi: Mu calumingo cili na kwija, waneniko simbu ya kuleka munu umo byuma bimunalilongesa. Mwasa kulinga ngoco ku munu wa mu naanga yeni, wa mu cikungulukilo ceni, imukapanga nendi, imukakobela nendi sikola, imwatunga nendi, nambe munu umo imuliwana nendi mu cipangi ca kwambulula. Esekeni kwendeka mu majwi eni na mu ngila yayasi, byuma bimunalilongesa.

Anukeni ngweni: Munapande kuleka bakweni byuma bimunalilongesa mukushaka kubashongangeya keti mwafwa yakushaka kulimwesa.—1 Kori 8:1