Byakuliwana Nabyo

Mweseni Banu Boshe Mema ku Mbunge

Litangwa limo ndokazi umo mu New Zealand wayongwele vidio ha jw.org ije yendeka byakalingi Yehova mangana amwese banu mema ku mbunge. (Isaya 63:7-9) Wapangesele byuma byalilongesele muje mu vidio, co wakwasele bakwabo. Olyo bene litangwa mwaile na kulanda byuma, wawanene munakazi uje kakele na njibo, co wamulandelele byakulya. Owo munakazi watambwile bukwasi bwamwanene. Ndokazi mwamwanene byakulya, wapangesele oyo simbu kumwambulwila kupangesa trakiti yendeka ngwayo Tuyando Tukahwa Ndi?

Uje munakazi washangumukile kulila. Wendekele ngwendi wakolelele mu busunga, oloni walikelele kulikwatasana na cikungulukilo myaka imo kunima. Wakele na kulomba Yehova mangana amukwase kumupangela lalo. Ndokazi wanene ou munakazi Mbimbiliya, co balizibasanene bya kushangumuka kulilongesa.a

Twasa kutembwinina Yehova uje wakala na mema ku mbunge nga tukwasa banu, babushoko bwetu, hamolika na bandolome na bandokazi betu mu cikungulukilo. Ngila ikwabo itwasa kumweselamo mema ku mbunge inapu kwambulwila banu muzimbu waubwa.