Lilongeseni ku Bikupulo

Mabulu etu akala na bikupulo byabingi bije bitulongesa bisimpi bya seho. Mwasa kupangesa bati ebi bikupulo mangana bimikwase?

• Kengeni bikupulo simbu kanda mutande cilongesa. Bikupulo byasa kwindula lishungu lyeni lya kushaka kuzibuka byabingi na kumishongangeya mutande cilongesa. Mumukamono byakulya byabibwa ha lilonga, mukashungwiya kubilya. Mungila imo lika, nga mukenga tahi bikupulo simbu kanda mutande, co mukala na lishungu lya kutanda cilongesa. Ngeci simbu kanda mutande cilongesa, lihuleni ngweni, ‘Bikupulo muka binjili na kumona?’—Amosi 7:7, 8.

• Omwo mutanda, singanyekeseseni byuma binalingisa bake bikupulo omwo mu cilongesa. Tandeni majwi aje analumbununa bikupulo nga kuwali. Singanyekeseseni kulikwatasana kuli mukati ka bikupulo na cilongesa cimuli na kutanda na kumona mumwasa kupangesela byuma bimulilongesa ku bikupulo mu kuyoya kweni.

• Munima ya kutanda, taleni lalo ha bikupulo mangana bimikwase kwanuka bisimpi bimunalilongesa. Co lizimeni ku mesho na kweseka kwanuka bikupulo na byuma bimunalilongesako.

• Taleni lalo ha bikupulo bili muno mu magazini mangana mumone indi mucanuka bisimpi bimunalilongesa.