Libwaheseleni Simbu Kanda Mulilongese

Mutukalilongesa Mbimbiliya tukashaka biyongola bya Yehova bitwete ku bimbunge. Ezela natwakela mwanja waubwa ‘mwalilongesele mashiko a Yehova.’ (Ezela 7:10) Twasa kumutembwinina bati?

Lombeleni. Simbu kanda mushangumuke kulilongesa, lombeni Yehova amikwase kuzibisisa byuma bimutanda na kupangesa byuma bimulilongesa.—Samu 119:18, 34.

Likeheseni. Njambi kesi kusholola busunga ku banu baje bakasinganyeka ngwabo basa kuzibisisa Mbimbiliya kwa kujeneka bukwasi bwendi. (Luka 10:21) Kutwapandele kulilongesa Mbimbiliya mu kushaka kulimwesa ku bakwetu. Tengululeni bisinganyeka byeni nga munananguka hamunapande kupangela.

Esekeni kutolilila ku mwaso wa Bumwene. Myaso yakala na nzili ya kweta ku bimbunge bya banu. Kutolilila ku myaso ya Bumwene kumikwasa mulibwahesele mu bisinganyeka.