Kuma Nzita ya Amagidoni lshangumukila mu Lifuti lya Israel Ndi?—Bika Biyendeka Mbimbiliya?

Mbimbiliya kuyendekele ngwayo nzita ya Amagidoni ikakela lika ku mutambela umo wa kaye, oloni ikapwa nzita ije ikakala mu kaye koshe mukati ka bifulumende byoshe bya banu na Njambi.

• “Awa majwi anapu a kuhwiminina ku badimona . . . na kuya ku bimyene ba ha lifuti-libu na kubakungulwila hamo ku nzita ya litangwa lyakama lya Njambi Muka-nzili Yoshe. . . . Babakungulwilile ku mwela ubasana mu Cihebelu ngwabo Amagidoni.”—Kujombolola 16:14, 16.

Lijwi lya “Amagidoni” litunda ha lijwi lya Cihebelu lya Har Meghid·dohnʹ, kulumbununa “Lilundu lya Megido.” Megido yapwile nganda imo mu Isalele ya kusañulu. Mukemwo banu bamo bakasinganyeka ngwabo nzita ya Amagidoni bakailwila mu lifuti lya Israel. Oloni, “bimyene ba ha lifuti-libu” na maswalale babo boshe kubasa kulikungulwila hamo mu mutambela wa Megido nambe woshe-woshe wa ku Middle East, mwafwa banapu babangi manene.

Mukanda wa Kujombolola bausonekele mu “bizibukiso” nambe mu endekesi ya cifwisa. (Kujombolola 1:1) Amagidoni kuilumbununa mutambela umo mpundu, oloni ilumbununa bikalingiwa mu kaye koshe baka-mafuti mubakalikungulwila hamo mangana balwise ciyulo ca Njambi.—Kujombolola 19:11-16, 19-21.