Bika Bitukwasa Kukala na Lilabelelo mu 2024?—Bika Biyendeka Mbimbiliya?

Banu babangi bali na kusinganyeka ngwabo kubasa kuwana ngila ya kumaneselamo bukalu bubasa kuliwana nabwo mu 2024. Oloni twasa kukala na lilabelelo lya byuma bija kulutwe. Bika byasa kutukwasa?

Mbimbiliya ikana lilabelelo

Mbimbiliya inakulahesa ngwayo Njambi akamanesa bukalu buje buli na kutulingisa tulizibe ngwe byuma kubyasa kukala mwamubwa. Njambi “akasikumuna misozi yoshe ku mesho [etu], co kutsa kucikakalako lalo nambe busiwa nambe kulila nambe kuziba kubabala.”—Kujombolola 21:4.

• Nga mushaka kuzibuka byabingi ha byuma biinakulahesa Mbimbiliya, tandeni ñanda ya Ingilishi ya “A Real Hope for a Better Tomorrow.”

Mbimbiliya yasa kumikwasa bati ha simbu ino?

Mbimbiliya itukwasa tulabelele byuma bija kulutwe mangana twase kumona byuma mu ngila inapande. (Loma 15:13) Biinendeka Mbimbiliya byasa kutukwasa tukolese nameme tuli na kuliwana na bukalu bwa kufwa ngwe buhutu, kutulinga mwamubi nambe kubinja.

• Nangukeni omwo Mbimbiliya muinakwaselele munalume umo akale mu kwoloka na kupwa wa kubwahelele nameme nakolele oku nahutuwa manene. Kengeni vidio ya Juan Pablo Zermeño: Hano Kunjesi Likalyange.

• Nangukeni muyasa kumikwasela Mbimbiliya nga muliziba kukala na mulonga, kuliziba kubibya ku mbunge, kuliziba kukala na bishoti na kutsisa munu imwazema. Tandeni ñanda ya Silozi ya “Kana Nakona Kufumana Manzwi Aomba-Omba Mwa Bibele?”

• Taleni Mbimbiliya muyakwaselele munakazi uje walitumbwile ngwendi “munu wa kujeneka kwaka bakwabo mbunge” mwapwile liswalale. Kengeni vidio ya Ingilishi ya I Put Down My Rifle.

Lingeni byuma bimikwasa mu mwaka wa 2024 hamolika na baka-naanga yeni. Zibukeni muyasa kumikwasela Mbimbiliya. Esekeni kulilongesa netu Mbimbiliya kwa kujeneka kufweta. Lilongeseni omwo Njambi asa kumyanena ‘kwoloka kwa mu bisinganyeka’ ha simbu ino ‘lilabelelo lya byuma bija kulutwe.’—Njelemiya 29:11.