CILONGESA 7

Kwendeka Busunga Buje Bataba Banu

Luka 1:3

SIMPI YAKAMA: Pangesa bukaleho bwa mu mikanda ibakulaela banu mangana baje bakutolilila batabe byuma biwendeka.

Pangesa mikanda ije ili na bukaleho bwa busunga. Biwendeka binapande kwimana ha Mbimbiliya, unapande kuitanda nga citaba. Nga upangesa bukaleho bwa sayansi, lipapelo lya mizimbu, cakuliwana naco, nambe bukaleho bwoshe bwoshe, unapande kumona ngwobe bukaleho bwaco bwa busunga.
Pangesa mwamubwa bukaleho. Lumbununa bisoneka ngwe mubabyendekela mu Mbimbiliya na mu mikanda ya “ndungo wa kulongwa na kunyanyama.” (Mateo 24:45, NWT) Nga upangesa bukaleho bwa mu mikanda ya ku kaye, co keti wendeke byuma bije kasonekele babenya.

Keti wamese ñanda, nambe kubwezelela ku bungi bwa byuma. Cakumwenako, majwi a kwendeka ngwawo “banu bamo,” keti uwendeke ngwobe “banu babangi,” nambe “bisimbu bimo,” co yobe ngwobe “bisimbu byoshe.”
Simutwiya na baje bakutolilila ha bukaleho buunabana. Munima ya kutanda cisoneka, nambe kwendeka okwo kuunawana bukaleho, behule bihula mu kunyanyama, nambe kubana cakumwenako cije cibakwasa balimwene babenya simpi.