Jyobaa dyaky tuˈugë yajnëtsokpë
29 Yëˈë jawyiimbë jäˈäy diˈibë Dios ojts dyajkojy kyaj yaˈixy, yëˈë kyaˈaxkopk uˈung.
Mëk ja Dios chokyëty ets yëˈë ojts tmoˈoy tuˈugë tuunk ets dyajkutëgooyët ja axëkjäˈäyëty ets dyaktsoˈgäˈäñ diˈib mëdoodëp (Fwank 3:16, 36).
30 Jyobaa ojts tkexy ja yˈUˈung ets myaxuˈungˈatët yä Naxwiiñ. Txëˈäjty Jesus. Ets ja ñanë txëˈäjty Mariyë (Lukʉs 1:30-35).
31 Ko Jesus ojts yaˈknë, ojts tnëgajpxy tnëmaytyaˈaky mayˈitë oyˈäjtën. Ojts tnëgajpxy ko Jyobaa yëˈë dëˈën Dios tëyˈäjtën (Markʉs 12:29, 30).
Jesus ojts tnëmaytyaˈaky ko Jyobaa yëˈë dëˈën tuˈuk nˈawdäjtëm o nˈodäjtëm (Matewʉ 4:10; Fwank 4:23, 24).
Ojts naydëˈën ja jäˈäy tukmëmaytyaˈaky ja Jyobaa kyutujkënë (Lukʉs 17:20, 21).
32 Jesus ojts dyajktsoˈoky ja päˈäm jäˈäy ets ojts tuñ mayˈitë oyˈäjtën. Kyaj ojts tuñë axëëkpë (Apóstʉlʉty [Hechos] 10:38; 1 Pe·drʉ 2:21, 22).
Per ¿wiˈixë nety xyajnëtsoˈogäˈänëm mä poky ets mä oˈkën?
33 Yëˈë ojts dyaky tuˈugë wintsëˈkënë mä Dios ets ñëtsoˈogët ja oyjyaˈayëty. Tëëyëb it, Dios ojts jyënaˈañ ko ja jäˈäyëty pyokytyundët dyoxtëdë jëyujkëty (Ɛbreʉźʉty 7:25, 27).
34 Jesus kyaj dyojxyë jëyujkëty. Yëˈë këˈëm ñayäjkë ñayojxë ëtsäjtëm gyëjxm (Matewʉ 20:28; Ɛbreʉźʉty 10:12).
¿Mnijäˈäp tiko?