¿Yëˈë tuˈugë liibrë extëm oytyim diˈibëty?

“Dios wyinmäˈänymyooy ja jyaˈayëty es tkëxjäˈäyët tëgekyë ja Diosë jyaaybyajtën, es tëgekyë tadë Diosë jyaaybyajtën tuump oy es [...] dëˈën ja Diosë jyaˈay kexy kaˈpxy yˈëxpëktët, tnijawëdët es ttundët tëgekyë ja oybyë tsujpë tuunk.” (2 TIMOTEE 3:16, 17)

MAYË jäˈäy kyaj tkupëktë extëm jyënaˈanyë tyäˈädë tekstë. Ets mijts, ¿wiˈix mwinmay? ¿Wiˈix xyˈixyë Biiblyë?

• ¿Extëm tuˈugë liibrë diˈib jantsy oy maytyakp?

• ¿Extëm tuˈugë liibrë diˈib mëj ijtp?

• ¿Extëm tuˈugë liibrë diˈib myëmiimbyë jekymyaytyaˈaky parë xytyukniˈˈijxëm wiˈix oy njukyˈäjtëm?

• ¿Extëmë Diosë yˈAyuk?

¿Jëjpˈam ets xynyijawët ti Biiblyë myaytyakypy? Okˈix tiko Biiblyë yajjääy: “Tëgekyë diˈibë wëˈëmp mä ja Diosë jyaaybyajtën, yajkëxjääy es nnaytyukniˈijxëm es nmëdäjtëm ja maˈxtujkën es jotkujk nˈawijx njëjpˈijxëm diˈibë minäämp” (Romanʉs 15:4). Yä tnigajpxy ko Biiblyë yajjääy parë xytyukniˈˈijxëm, xyjotkujkmoˈoyëm ets nˈawijx njëjpˈijxëm diˈib miimp këdakp.

¿Mëmëdoopyxyëbë Biiblyë koxyëp dyuˈunëty extëm mayë liibrë diˈib jeˈeyë jantsy oy maytyakp o mëj ijtp? ¿Mnaytyuktuˈumooyëpxyëp mëdë mfamilyë? ¿Mbaduumpyxyëbë kyäjpxwijënë koxyëp kyatuˈugyë extëm mijts mwinmay? Ets koxyëp jeˈeyë tmëminyë jekymyaytyaˈaky, ¿mbäätxyëp mjotkujkmoˈoyëty o xyˈawixy xyjëjpˈixy tijaty wyandakypy?

Miyonkˈamë jäˈäy diˈib të tˈëxpëktë Biiblyë ijttëp seguurë ko yëˈë Diosë yˈAyuk. ¿Tiko? ¿Ti diˈib xytyukˈijxëm ko Biiblyë tëgatsy mët tukëˈëyë liibrë? Min nˈokˈijxëm mëgoxk peky tiko Biiblyë tyëgatsyëty mëdë wiinkpë liibrë.