YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Tiko Jesus yajtijy Diosë yˈUˈunk?

Dios kyaj pënë nyëdoˈoxy parë tmëdatëdë yˈuˈunk. Yëˈë diˈib ojts tukëˈëyë dyajkojy diˈib jukyˈäjtp. Ets duˈun ojts xyajkojëm extëm mbäät niˈˈijxtutëmë jyaˈayˈäjtën, päätyë Adán, ja tim jawyiimbë yetyëjk, ja ojts yajtijy “Dios ja myäänk”. Dios nan yëˈë yˈUˈunkˈäjtypyë Jesus, yëˈko duˈun ojts dyajkojy extëm yëˈë jyaˈayˈaty. (Käjpxë Lukʉs 3:38 etsë Fwank 1:14, 49.)

¿Näˈä ojts kyojˈyë Jesus?

Dios yëˈë tim jawyiin yajkojë Jesus ets oknëmë Adán. Ets yëˈë mëët tukëˈëyë tijaty ojts dyajkojtäˈäy, axtë anklës. Päätyë Biiblyë jyënaˈany ko ta netyë “Kristë mä kyajnëmë naty ti kyojy”. (Käjpxë Kolosʉ 1:15, 16.)

Mä netyë Jesus kyamaxuˈunkˈatynyëm jam Belén, yëˈë nety tuˈugë anklës diˈib jukyˈäjtp jam tsäjpotm. Per ko ja tiempë ttukjäjty, ta Dios ojts dyajtëgäjtsë jyukyˈäjtën ets tpëjtaky María jyodoty parë myaxuˈunkˈatët extëmë naxwinyëdë jäˈäy. (Käjpxë Lukʉs 1:30-32; Fwank 6:38 etsë 8:23.)

¿Tiko Dios tkejxyë Jesus yä Naxwiiny ets myaxuˈunkˈatët extëmë naxwinyëdë jäˈäy? ¿Ti tuungë jëjpˈambë nyigëdak? Pën mˈëxtaapy wiˈix yaˈˈatsoojëmbity mä Biiblyë, ta niˈigyë xyjaygyukëyaˈany ets xymyëjjawëyaˈany tijatyë Dios mëdë Jesus të ttundë ëtsäjtëmgyëjxm.

Pën mˈaknijawëyaampy, ixë kapitulo 4 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈib mä pajina 32]

Mä nety Jesus kyamaxuˈunkˈatynyëm jam Belén, yëˈë nety tuˈugë anklës diˈib jukyˈäjtp jam tsäjpotm