Mayë jäˈäy nyitsoˈogäˈändë. ¿Ets mijts?

Biiblyë xytyukmëtmaytyakëm wiˈix tyunäˈäny jyatäˈänyëty ja kutëgoˈoyën, jyënaˈany: “Mët ko net yˈitäˈäny ja mëk ayoˈon, extëm ni näˈänëm kyajaty axtë mä naxwinyëdë tsyondaky [...]. Es pënë Dios kyaj dyajwaanë tadë tiempë, ni pën kyatsoˈoktët” (Matewʉ 24:21, 22). Perë Dios të twandaˈaky ko tsokwëˈëmandëbë jäˈäy, Biiblyë jyënaˈany: “Dios yajkutëgoyaampy ja naxwinyëdë winmäˈäny, [...] per ja jäˈäy diˈibë kyuytyiimpy ja Diosë tsyojkën, jikyˈäjtp winë xëë winë tiempë” (1 Fwank 2:17).

¿Ti tsojkëp nduˈunëm parë ntsokwëˈëmëm? ¿Tsojkëbëdaa nyajnipajtëm ets nbëjkëˈkëmë jeˈxy pëky? Kyaj. Biiblyë nyigajpxypy ti mbäät nduˈunëm, jyënaˈany: “Kom dëˈën tëgekyë kyutëgoyaˈany, dëˈën miitsëty byeen yajxon xyˈixtët wiˈix mjikyˈattët wäˈäts es extëmë Dios ttseky määnëm xyˈawixtë myinäˈäny tadë xëë” diˈibë Jyobaa yajmiimpy (2 Peedrʉ 3:10-12). Ko ngäjpxtäˈäyëmë tyäˈädë kapitulo, ta njaygyujkëm ko jyënaˈany “tëgekyë kyutëgoyaˈany”, nan yëˈë yˈandijpyë anaˈambëtëjk diˈib yä naxwiiny diˈib kyaj tëyˈäjtën mëët tijaty ttundë ets pënaty pyuwäˈkëdëbë tyäˈädë gobiernë ets tjëjpkudijëdë Diosë yˈAnaˈam Kyutujkën. Pääty kyaj yëˈë xyajnitsoˈogäˈänëmë jukyˈäjt madakën diˈibë nety të nyajnipajtëm ko myinëdë kutëgoˈoyën.

Parë nëjkx ntsokwëˈëmëm, jëjpˈam ets nnijäˈäwëm wiˈixë Dios ttseky njukyˈäjtëm ets nmëmëdoˈowëm xëmë (Sofonías 2:3). Kyaj nˈadëtsëm extëm mayë jäˈäy diˈib kyaj tmëjpëjtäˈäktë tijaty yajtukˈijxwëˈëmp ko tyam njukyˈäjtëm mä tiempë diˈib jëjpkëxanëp. Nˈokˈyaˈijtëm winmäˈänyoty ja mëj xëë diˈibë Jyobaa yajminaampy. Jyobaa tyestiigëty mbäät mdukniˈˈixëdë mëdë Biiblyë ti mbäät xytyuny parë mtsokwëˈëmët.