Diˈib nnayajtëˈëwëm

◼ ¿Wiˈix mbäädë tääk teety tkuentˈattë yˈuˈunk yˈënäˈk ko twoonëjkxtët käjpxwäˈkxpë?

Oy ko uˈunktääk uˈunkteety twoonëjkxtë yˈuˈunk yˈënäˈk ëwäˈkx käjpxwäˈkxpë, ets ttukniˈˈixëdët parë jäˈäy ttukmëtmaytyäˈäktët ja Diosë yˈAnaˈamën. Per ko duˈun ttundët, oy ko tkuentˈattët ja yˈënäˈkuˈunk mët ko näägë lugäär kutsëˈëgë ets axtë mä kyëxeˈeky “seguurë”. Mä tyäˈädë tiempë diˈib ndukjukyˈäjtëm tsip nimëjää, janääm jatsojk yajmëdoyˈaty ko ënäˈkuˈunk yajmatstë ets axëëk yajtundë mët ko jäˈäy niˈigyë tijaty tˈatsoktë ets axëëk yˈit tsyëënëdë (2 Tim. 3:1-5). Pääty tsojkëp ets ja tääk teety tˈixtët wiˈix tkuentˈattët ja yˈënäˈkuˈunk mä jäˈäy diˈib mbäät yˈaxëktunëdë. ¿Wiˈix mbäät ttundë?

Biiblyë xykyäjpxwijëm ets nˈijtëm wijy kejy ets nnaygyuentˈäjtëm mä nˈijxëm kutsëˈëgë (Pro. 22:3; Mat. 10:16). Tyäˈädë kyaj yëˈëjëty tuˈugë anaˈamën diˈib yajmoˈoyëm, per oy ko ja tääk teety o tuˈugë mëjjäˈäy tjamyëdattët ja ënäˈkuˈunk ko nyëjkxtët käjpxwäˈkxpë. Pën nimajtskë ënäˈktëjk nyëjkxtë käjpxwäˈkxpë diˈib këˈëm naygyuentˈäjtënëdëp, oy ko kyaj yˈijxtëgoyëdët niduˈugë tyääk tyeety o mëjjäˈäy. Ets ko ja ënäˈkuˈunk yaˈknëdët ets dyaˈixëdët ko mbäät këˈëm nyaygyuentˈatëdë, ta këˈëm ja tääk teety twinmaytyët pën nyasˈixëyandëp ja yˈuˈunk yˈënäˈk (ixë Nuestro Ministerio del Reino de octubre de 1992 mä jyënaˈany: La caja de preguntas).

Nan oy ko xëmë tkuentˈattët ja yˈuˈunk yˈënäˈk ko nyëjkxtët karroty o ko nyëˈëyoˈoy tyuˈuyoˈoytyët. Ko tkuentˈattët mbäät kyaj yˈayoˈonbäättë ets dyajnaxtëdë jäj jëmuˈumën, kyaj dyajtundëdë meeny sentääbë mä doktoor ets axtë kyaj yajniˈëënëdët mä kuduunk justisë, pes tyam niˈigyë jäˈäy tsyiptunäˈändë.

Oy ko ja ënäˈktëjk tmëjkugäjpxtëdë Jyobaa xyëë (Sal. 148:12, 13). Mëjˈixy mëjmëdoyë jäˈäy tjawëdë ko ënäˈktëjk jantsy oy kyäjpx myaytyäˈäktë ets oy jyaˈayˈattë mä yˈëwäˈkx kyäjpxwäˈkxtë ets nan yajmëjpëtsëëmdëbë Jyobaa. Uˈunktääk uˈunkteety, pudëkëdë ja mˈuˈunk mˈënäˈk parë xëmë tkäjpxwäˈkxtët ja oybyë ayuk, ets nan ittë wijy kejy parë xëmë xykyuentˈattët ets kyaj yˈayoˈonbäättët.