Tyäˈädë oybyë ayuk yajkäjxwäˈxäämp
1. ¿Wiˈix nnijäˈäjëm ko nitii mbäät tkaˈˈawäˈktuky parë yajkäjxwäˈxët ja oybyë ayuk?
1 Nitii mbäädë Jyobaa kyaˈˈawäˈktukyëty parë ttunët ti yëˈë tsyejpy (Isa. 14:24). Ko ja fes Jedeon ojts nyejxy tsiptuumbë mët 300 jyaˈay, mbäädë naty kyëxeˈeky ko kyaj myadäˈägäˈändë, pes ja naty mëët tsyiptunäˈändë 135,000 jäˈäy diˈib Madyan. Perë Jyobaa yˈanmääyë: “Seguurë ko xyaˈˈawäˈätspëtsëmëdë Israel mä Madyan jäˈäy myëdatëdë kyëˈëjoty. Pes ëjts yam mijts ngejxypy” (Jue. 6:14). Ets mä tyäˈädë tiempë, ¿ti tuunk yajtuump mëdë Jyobaa nyaybyudëkë? Jesus tˈatsoojëmbity: “Tyäˈädë oybyë ayuk [...] yajkäjxwäˈxäämp es yajknijawët mä tëgekyë naxwinyëdë” (Mat. 24:14). ¡Nipën mbäät tkaˈˈawäˈktuky ets yajtunëdë tyäˈädë tuunk!
2. ¿Tiko mbäät nˈawijxëm etsë Jyobaa xypyudëjkëm niduˈuk niduˈuk mä nduˈunëmë tyuunk?
2 Jyobaa xypyudëjkëm niduˈuk niduˈuk. Ijtëm seguurë ko Jyobaa pyudëkëyaambyë nyax kyäjpn, ¿per mbäädëdaa xypyudëjkëm niduˈuk niduˈuk? Apostëlë Pääblë ojts tëgok tˈixy wiˈixë Jyobaa këˈëm pyudëkëty mët yëˈëgyëjxmë Jesus (2 Tim. 4:17). Pääty, nˈokˈijtëm seguurë ko Jyobaa nanduˈun xykyunuˈxäˈänëm niduˈuk niduˈuk pën nduˈunëm ti yëˈë tsyejpy (1 Fwank 5:14).
3. ¿Näˈä Jyobaa xymyoˈoyëmë naybyudëkë?
3 ¿Myaˈˈanuˈxëbë mduunk mˈayoˈon ets kyaj xynyekymyëdatyë mëjää parë mnëjxët ëwäˈx käjxwäˈxpë? Jyobaa “myëjämoopy ja diˈib anuˈxëp” (Isa. 40:29-31). ¿Mdukmëtsipˈäjtëbë jäˈäy o mbajëdijtëp? “Tuknijëduwë Jyobaa mxuumy tsemy, ets yëˈë nëjx këˈëm mbudëkëty.” (Sal. 55:22.) ¿Kyaj näˈäty mnayjawëty seguurë wiˈixë jäˈäy xymyëtmaytyäˈägët? Jyobaa xyˈanmäˈäyëm: “Nëjx [...] ëjts mijts xëmë njamyëëtˈataampy ko ënety mgäjpxäˈäny mëtyäˈägäˈäny” (Éxo. 4:11, 12, Mʉgoxkpʉ noky jyaayʉn Moisés). ¿Kyaj mbäät mëjwiin kajaa xytyuunë Diosë tyuunk mët ko mbeky mˈixyëty? Jyobaa myëjjäˈäp ko ti nduˈunëm mët winë jot korasoon oy kyamëjwiin kyakajaaty (1 Kor. 3:6, 9).
4. ¿Ti nëjx nduˈunëm pën ijtëm seguurë ko Jyobaa xypyudëkëyäˈänëm?
4 Jyobaa “të xyäjtëy, ets ¿pën mbäädë kyëˈë yajjënäjkxëty?” (Isa. 14:27). Ijtëm seguurë ko Jyobaa xykyunuˈxëm mä nduˈunëmë tyuunk, pääty nˈokkäjxwäˈxëm xëmë ets nˈokjotmoˈoyëm “mët ko duˈunë Jyobaa të dyajnigutukë” (Hech. 14:3, Nuevo Mundo [NM]).