Jëjpˈam etsë Dios mëduumbë nyuˈkxtäˈäktët
1. ¿Ti tsojkëp nduˈunëm parë nyajtuˈuyoˈoyëmë Diosë tyuunk?
1 Kyaj mbäät yajxonë Jyobaa tyuunk nduˈunëm pën kyaj yëˈë xypyudëjkëm. Yëˈë duˈun diˈib xymyëjämoˈoyëm parë mbäät nduˈunëmë tyuunk (Fili. 4:13, NM). Yëˈë xytyuknigajxëmë yˈanklës parë xypyudëjkëm ets nbatëmë jäˈäy diˈib yujy tudaˈaky extëmë borreegë (Diˈibʉ Jat. 14:6, 7). Nan yëˈë diˈib yajˈyoompy ja tëyˈäjtënë diˈib nnipëm ets diˈib nyajxoˈkëm (1 Kor. 3:6, 9). Pääty, ¡jëjpˈam ets nyajtsoˈonëmë naybyudëkë mä nDeetyˈäjtëmë tsäjpotmëdë mët yëˈëgyëjxm ko nuˈkxtakëm!
2. ¿Tijaty mbäät nˈamdoˈojëm ko nnuˈkxtakëm?
2 Nˈokˈnaynyinuˈkxtakëm. Jëjpˈam nuˈkxtakëm tëgok tëgok nëjxëm ëwäˈx käjxwäˈxpë (Éfe. 6:18). ¿Tijaty mbäät nˈamdoˈojëm? Mbäät nˈamdoˈojëmë jotmëkˈäjtënë etsë naybyudëkë parë nwinmäˈäyëm ko oybyëtsëmäämp mä nëjx ngäjxwäˈxäˈänëm (Apos. 4:29). Mbäät nˈamdoˈojëmë Jyobaa parë nbatëmë jäˈäy diˈib jyantsy ëxpëkaambyë Biiblyë. Ko jäˈäy ti xyajtëˈëjëm mä ngäjxwäˈxëm, tsojkëp nuˈkxtakëm winmäˈänyoty parë Jyobaa xypyudëjkëm wiˈix nˈatsoˈojëmbijtëm (Neh. 2:4). Nan mbäät nˈamdoˈojëmë wijyˈäjtën parë jëjpˈam nbëjtakëmë Diosë tyuunk (Sant. 1:5). Jyobaa nan jotkujk nyayjawëty ko nmoˈoyëmë dyoskujuyëm mët ko yëˈë xyajtuˈunëm (Kol. 3:15).
3. Ko ninuˈkxtakëmë wiinkpë, ¿wiˈix mbäät niˈigyë yajkäjxwaˈxyë oybyë ayuk?
3 Nˈokninuˈkxtakëmë wiinkpë. Nan tsojkëp “naynyi[nuˈkxtakëm] nixim niyam”, ets mbäät axtë nigäjxëm tuˈuk tuˈugë nmëguˈukˈäjtëmë xyëë (Sant. 5:16; Apos. 12:5). ¿Kyaj mˈoy mëkëty ets pääty wanaty Dios xymyëduny? Pes ninuˈkxtäägë Dios mëduumbë diˈib yajpattëp oy mëk. ¡Ninäˈä mgawinmayët ko kyaj nëgoo pyudëkëdët ja mmëguˈuktëjk ko xynyinuˈkxtäägët! Nan oy ko ninuˈkxtakëmë kuduunk justisë parë tnaˈixët ets nˈëwäˈx ngäjxwäˈxëm, duˈuntsoo “nipën mëët ngatsiptuˈunëm” (1 Tim. 2:1, 2).
4. ¿Tiko mbäät xëmë nuˈkxtakëm?
4 Mëjwiin kajaa tadë tuunk parë yajkäjxwäˈxëdë oybyë ayuk abëtsemy nyaxwinyëdë. Per pën xëmë nnuˈkxtakëm, ta Jyobaa nëjx xypyudëjkëm parë nduˈunëm (Rom. 12:12).