Tijaty yajtuknijäˈäjëm

◼ Ëxpëjkpajn diˈib yajkëyakäämp mayë: La Atalaya etsë ¡Despertad! Ko xynyijëmbitëdë jäˈäy extëm diˈib nëjxp ko yajjamyetsyë Jesusë yˈoˈkën xëë o nyëjxtë tëgokëjxm mä naymyujkën, mbäät xyˈawanë liibrë ¿Ti tëyˈäjtën jantsy tukniˈijxëbë Biiblyë?, parë mëët mˈëxpëjktsondäˈägët. Junië: ¿Ti tëyˈäjtën jantsy tukniˈijxëbë Biiblyë? Julië ets agostë: Oy tyimdiˈibëtyë foyetë diˈib myëmiimpy 32 pajina. Oy ko nˈakkëyäjkëmë foyetë ¿Ti Dios tsyojkypy ets nduˈunëm? axtë ko yˈagëxët.

◼ Mä tyäˈädë paˈis ja prekusoorëty nyëjxäˈändë wiink käjpn 2011: Ja nyëjxäˈändë eneerë ets febreerë, marsë ets abril, mayë ets junië. Yajkaxäˈändë mäjatyë naymyujkën diˈib wiink ayuk käjxtëp, mä amxambë diˈib jagam wëˈëmp ets mä uumgajxy (señas). Mbäät nyëjxtë pën: 1) prekusoor regulaar, 2) pën yä të myaxuˈunkˈattë mä tyäˈädë paˈis o pën myëdäjttëbë permisë parë yä yˈittët, 3) pën yˈaˈijxëdëp majtsk poˈo tyundët, 4) pën jyäjttëp ja ayuk 40% mä nyëjxäˈändë, ets 5) pën të naty dyaˈˈabattë jyëmëjt 18 ko tyuˈukˈanëdë eneerë 2011, ets diˈib kyajnëmë jyëmëjt dyaˈˈabety nan mbäät nyëjxtë pën nëjxtëbë tyääk tyeety. Pën kasäädë nimajtsk nyëjxtët. Mbäät tnigäjxtë diˈibë ayuk nyëjxäˈändë ets mää, (norte, centro, sur), per mbäät yajkaxtë wiink ayuk ets wiink lugäär mä niˈigyë tsyekyëtyë naybyudëkë. Yëˈë yˈawanëdëbë mëjjäˈäytyëjk mä nyamyukyëty mä kyakexynyëmë julië poˈo 2010.