TË XYTYUKNIJÄˈÄYËM Diˈib wyooyoˈoytyëbë Jyobaa tyestiigëty

Mëguˈuktëjk ninuˈun nˈijtëm Jyobaa tyestiigëty:

¡Jantsy oyë tyäˈädë tiempë diˈib ndukjukyˈäjtëm, ets jantsy agujk jotkujk nayjäˈäwëm! Mëjwiin kajaajëts ndukxondäˈäktë ko tuˈugyë nduˈunëm mä nigäjpx nimaytyakëmë nDeetyˈäjtëmë Jyobaa, tuˈugë tuunk diˈib ninäˈänëm duˈun kyayajtuny (Sof. 3:9; Fwank 14:12).

Agujk jotkujk nmëduˈunëmë Jyobaa, per kyaj yëˈë tˈandijy ko kyaj nwinguwäˈkëmë ayoˈon jotmay. Pes mä tadë jëmëjt të nyax, të näägë nmëguˈukˈäjtëm tpäättë mëjwiin kajaa jotmay mët ko tijaty të yˈayoˈonbëjtaˈaky extëmë nëë tuu, mëk ujx o të nyaxy mumatyë urakan (Mat. 24:7). Nimay nanduˈun xywyinguwäˈägëdë yuu päˈäm etsë mëjjäˈäyˈat. Ets niˈamukë kuanë ko nwinguwäˈkëm “ja ayoˈon” diˈib niˈigyë mëjwindëjkëp (Mat. 24:8). Nan mayë nmëguˈukˈäjtëm tkuˈayowëdë myëbëjkën pujxndëgoty, extëm diˈib yajpattëp Armenia, Corea del Sur ets Eritrea (Mat. 24:9).

Per ¿ti diˈib të xypyudëjkëm parë kyaj nˈëxtëkëwäˈkëm oyë ayoˈon jotmay të nyajnäjxëm? Yëˈë të xypyudëjkëm diˈib yajnigäjpxp mä tekstë diˈib të tyuny 2010: “Diˈib myëdäjtypyë tsojkën myëmadaktaapy tijaty. Yëˈë tsojkën ninäˈä kyakugëxë” (1 Cor. 13:7, 8, Traducción del Nuevo Mundo). Duˈunë duˈun, ko ntsojkëmë nmëguˈukˈäjtëm etsë Jyobaa, yëˈë xymyoˈoyëm ja jot mëjää parë tijaty nmëmadakëm.

Mayë jäˈäy diˈib naynyigäjpxëdëp ko tpanëjkxtë Kristë, mëjˈixy mëjmëdoy tjawëdë ko tmëdowdë nuˈun myëjwindëkë mä ngäjpxwäˈkxëm ets ko xëmë ninëjkxëmë jäˈäy. Ets nääk, oy tkakupëktë tijaty nmëbëjkëm ets tijaty ndukniˈˈijxëm, xyˈanmäˈäyëm: “Miitsëty mduundëp ja tuunk diˈibëts ëëtsëty xyjapattëp”. ¿Ti diˈib pudëjkëdëbë Jyobaa tyestiigëty parë kyäjpxwäˈkxtë tuˈuk tuˈugë xëë nyaxy? Mbäät jatëgok njënäˈänëm ko yëˈë tsojkën. Pes duˈun extëmë nDeetyˈäjtëmë tsäjpotmëdë, kyaj ntsojkëm ets nituˈugë jäˈäy kyutëgoyët (2 Peed. 3:9). Ko të wyinjäˈty 7,508,050 käjpxwäˈkxpë mä jëmëjt të nyaxy septiembrë 2009 axtë agostë 2010, ta nyigëxëˈëky ko ntsojkëm ets niˈamukë jäˈäy jyodëmbittët. ¿Jaˈäjtpëdaa wiinkpë relijyonk diˈibë jyaˈay nayˈawäˈänëdëp tsojkëngyëjxm parë tpudëkëdët ja myëguˈuktëjk mëdë Dios yˈAyuk?

Mëjwiin kajaa xymyëjämoˈoyëm ko nˈijxëm wiˈix yˈadëy diˈibë kugajpxy Isaías ojts tkujayë: “Mä ja xëë tiempë jyëjpkëxanë, ta ja kopk mä yˈityë Jyobaa tyëjk nyaxkëdäˈägäˈäny täˈtspeky ets tninäjxtäˈäyaˈany tukëˈëyë jëdun ets mas këjxm yˈitäˈäny mä tukëˈëyë tun kopk, ets jam jyäˈtäˈändë tukëˈëyë nasionk” (Isa. 2:2-4). Tyäˈädë mayjyaˈay diˈib nëjkxtëp mä Jyobaa tyëjk, tap nanduˈun yajpäättë 294,368 diˈib të nyëbattë mä jëmëjt të nyaxy septiembrë 2009 axtë agostë 2010. ¡Jantsy agujk jotkujk nayjäˈäwëm ko mëët të nduˈukmujkëm! Nˈokˈyaˈijxëmë tsojkën ko nbudëjkëm tyäˈädë nmëguˈukˈäjtëm parë tmëmadäˈäktëdë Mëjkuˈu diˈib yajtëgoyanëdëp (1 Peed. 5:8, 9).

Ko të yajjamyetsyë Jesusë yˈoˈkën xëë, 30 äämbë marsë 2010, ja jäˈäy të tyuˈukmuktë 18,706,895. Tyäˈädë yëˈë xytyukˈijxëm ko mbäät miyonkˈamë jäˈäy yˈaktëkëdë mä Diosë kyäjpn. Mbäät jantsy jotkujk nayjäˈäwëm ko Jyobaa kyajnëm dyajminy ja kutëgoˈoyën. Pääty, mientrës tkayajminyëm nˈokmëdäjtëmë tsojkën, pes yëˈë diˈib mbäät xypyudëjkëm parë nmadakëm (2 Tes. 3:5).

Yëˈë tuˈukmujkënë tëgëk xëëbë: “¡Nˈoknayaˈijtëm wingon mä Jyobaa!”, diˈib kanääk të tyunyëty abëtsemy nyaxwinyëdë mä jëmëjt 2010, mëjwiin kajaa të xymyëjämoˈoyëm parë oy nˈijtëm mëdë Jyobaa. Ets të nˈijxëm ko jantsy tëyˈäjtënë tadë ää ayuk diˈib yajpatp mä Salmo 144:15: “¡Jotkujkë tadë nax käjpn diˈib Diosˈäjttëbë Jyobaa!”. Seguurë nˈijtëm ko waˈan tminy ti tim miimp, nitii nëjkx ngajëjptsëˈkëm pën yëˈë mëdë Jyobaa nyajpatëm (Sal. 23:4). Tim tsojkë Jyobaa mët yëˈëgyëjxmë yˈUˈunk “dyajkutëgoyaˈany diˈibë ja mëjkuˈugopk tyiimpy” (1 Fwank 3:8). ¡Mëjwiin kajaa ntsojkënyëˈäjtëm ets jyäˈtëdë tyäˈädë xëë! Per mä kyajäˈtynyëm, nmëdäjtëm kajaa tuunk diˈib yajtunäämp (1 Kor. 15:58).

Ittë seguurë ko “dëˈënyëm njamyatstë miitsëty” kots nuˈkxtäˈäktë (Rom. 1:9). Tunë mayˈäjtën, nnayaˈitëdë mä “Diosë tsyojkën es jëjpˈixtë ko myinäˈäny ja Nintsënˈäjtëm Jesukristë, ko mët ja pyaˈˈayoˈon xymyoˈoyäˈänëm ja jikyˈäjtën winë xëë winë tiempë” (Juud. 21).

¡Ntsojktëp niˈamukë!

Yëˈë mmëguˈuktëjkëty,

Diˈib wyooyoˈoytyëbë Jyobaa tyestiigëty