Tijaty yajtuknijäˈäjëm

◼ Ëxpëjkpajn diˈib yajkëyakäämp abril ets mayë: Diˈib Xytyukˈawäˈänëm etsë ¡Despertad! Pën tsyojkënyëˈäjtypyë jäˈäy, ta xyˈawanëdë trataadë ¿Mnijawëyaambyë tëyˈäjtën? Ets mbäät mëët mˈëxpëjktsondaˈaky. Ko xynyijëmbitëdë jäˈäy extëm diˈib nëjkxtëp ko yajjamyetsyë Jesusë yˈoˈkën xëë o nyëjkxtë tëgokëjxm mä naymyujkën, mbäät xyˈawanë tadë liibrë ¿Ti tukniˈijxëbë Biiblyë?, parë mëët mˈëxpëjktsondäˈägët. Junië: ¿Ti tukniˈijxëbë Biiblyë? Pëjktäˈägë mwinmäˈäny etsë jäˈäy xyaˈëxpëjktsoonët. Pën ja jäˈäy jam tmëdaty ja liibrë, per kyaj yˈëxpëkäˈäny, ta xyˈawanët tuˈugë rebistë mas jembyë o foyetë diˈib yˈoymyëdowëp. Julië: yëˈë foyetë ¡Jotkujkˈat!, Mnaymyayëty ets Ko yˈooky tuˈugë jäˈäy.

◼ Ko nety yˈaktëgoyˈaty ja tuk sëmään mä tyunäˈänyëty ja tuˈukmujkënë tëgëk xëëbë, ta mä Yajniˈëxpëkë wiˈix ngäjpxwäˈkxëm nyajtukjamyatsäˈänëm tijaty mbäät nduˈunëm mä ja tuˈukmujkën. Ko naty të nyaxy tuk poˈo o majtsk poˈo, ta diˈib patëp dyajnaxët ti naybyudëkë tsojkëp mä naymyujkën, tnimaytyäˈägët diˈib të nyaxy mä ja tuˈukmujkën diˈib mbäät pyudëkëdë nmëguˈukˈäjtëm mä kyäjpxwäˈkxtë.

◼ Ko yˈäänëˈëgëdë mayë mä tim jawyiimbë sääbëdë, ta niˈamukë nmëguˈukˈäjtëm dyaˈëxpëjktsondäˈäktëdë jäˈäy. Mä rebistë Diˈib Xytyukˈawäˈänëm, diˈib poˈo boˈo pëtsëmäämp, jap tmëminy tuˈugë artikulo mä jyënaˈany “Nijawë Diosë yˈAyuk”, të yajtuknibëjtäägë parë xypyudëjkëm etsë jäˈäy nyaˈëxpëjktsondakëm. Mä tyim jëjpkëjxnë mä Wiˈix nduˈunëmë Diosë Tyuunk jap myinäˈäny wiˈix nduˈunëm poˈo boˈo parë nyaˈëxpëjktsondakëmë jäˈäy mä ja tim jawyiimbë sääbëdë. Pën mä näägë rebistë Diˈib Xytyukˈawäˈänëm, kyaj tmëminyë “Nijawë Diosë yˈAyuk”, mbäät yëˈë xyˈawanë diˈibë naty të nyaxy tyupoˈojëp. Extëm nˈokpëjtakëm mayë, mbäät yëˈë xyˈawanë Diˈib Xytyukˈawäˈänëm 1 äämbë abril 2011.