Yaˈˈajamyatsë diˈib të nyaxy mä Yajniˈëxpëkë Diosë Tyuunk

Mä tadë sëmään 27 äämbë febreerë 2012, ja yaˈˈatsoojëmbitäˈänyë tyäˈädë yajtëˈëwën diˈib miimp yä abatkëˈëy. Kyaj jeˈeyë tmëminyë referensyë nanduˈun ti xëë ets ti poˈo të yaˈëxpeky. Të yajtuknibëjtäägë parë mbudëkëdët ko nety xyˈëxpeky ti naxäämp mä tadë sëmään mä yajniˈëxpëkë Diosë tyuunk parë xyˈixët ja yajtëˈëwën diˈib myëmiimpy.

1. ¿Pënë tadë mëtsip diˈib niˈamukë xypyajëdijtëm, ets tiko nayjäˈäwëm jotkujk ko nˈijxëm wiˈixë Biiblyë tyukniˈˈixë? (Isa. 26:19.) [2 ene. bh paj. 66, 67 parr. 2, 3.]

2. ¿Ti mbudëkëdëp ets mjäˈäyˈatët extëmë Dios ttseky? (Isa. 30:20, 21.) [9 ene. bh paj. 124 parr. 21.]

3. ¿Tiko mbäät nˈijtëm seguurë ko jaˈˈatäämbë tuˈugyëˈäjtën yä Naxwiiny ets kyaj nekymyëdatäˈänëmë tsëˈk jäˈäwën? (Isa. 32:18.) [9 ene. bh paj. 34 parr. 18.]

4. ¿Tiko kyaj mbäät xyjëjptsëˈëgë mnaywyandäˈägëdët mä Dios? (Isa. 41:10.) [23 ene. bh paj. 180 parr. 19.]

5. ¿Wiˈixë Jyobaa ttukujäˈäyë kyugajpxy Isaías ko wiˈixë nety jyatäˈänyë Babilonia käjpn? (Isa. 44:27–45:2.) [30 ene. bh paj. 23 parr. 13.]

6. ¿Wiˈix nnijäˈäjëm ko Dios kyaj xyˈamdoˈojëm diˈib kyaj mbäät nmëmadakëm? (Isa. 48:17, 18.) [6 feb. bh paj. 121, 122 parr. 18, 19.]

7. ¿Wiˈix xypyudëjkëm Isaías 55:10, 11 parë njaygyujkëm tiko Jyobaa kyaj ojts dyajkutëgoy jam Edén pënaty kyaj myëmëdoojëdë? [13 feb. bh paj. 109, 110 parr. 11.]

8. ¿Ti tuunk ngupëjkëm xondaˈakyˈää xondaˈakyjyot? (Isa. 61:2.) [20 feb. lv paj. 85 parr. 26-28.]

9. ¿Tiko Jesusë yˈëxpëjkpëty kyaj ojts ttundë kumpleˈanyë? (Isa. 65:11, 12.) [27 feb. bh paj. 157 parr. 8.]

10. Extëm jyënaˈanyë Diosë yˈää yˈAyuk, ¿wiˈix yˈitäˈändë tuˈugyë jäˈäy mëdë jëyujk animal mä ja jembyë jukyˈäjtënë? (Isa. 65:25.) [27 feb. my 71.]