Tijaty yajtuknijäˈäjëm

◼ Ëxpëjkpajn diˈib yajkëyakäämp febreerë: Biiblyë, ¿ti xytyuknijäˈäjëm? Marsë: ¿Ti tukniˈijxëbë Biiblyë? Pëjtäˈägë mwinmäˈäny etsë jäˈäy xyaˈëxpëjktsoonët. Pën ja jäˈäy jam tmëdaty ja liibrë, per kyaj yˈëxpëkäˈäny, ta xyˈawanët tuˈugë rebistë diˈib kyaj jyemyëty o foyetë diˈib yˈoymyëdowëp. Abril: Diˈib Xytyukˈawäˈänëm etsë ¡Despertad! Pën tsyojkënyëˈajtypyë jäˈäy, ta xyˈawanëdë trataadë ¿Mnijawëyaambyë tëyˈäjtën? Ets mbäät mëët mˈëxpëjktsondaˈaky. Ko xynyijëmbitët jatëgokë jäˈäy diˈib nëjkxtëp ko yajjamyetsyë Jesusë yˈoˈkën xëë o nyëjkxtë tëgokëjxm mä naymyujkën, mbäät xyˈawanë liibrë ¿Ti tukniˈijxëbë Biiblyë?, parë mëët mˈëxpëjktsondäˈägët. Mayë: yëˈë foyetë Biiblyë, ¿ti xytyuknijäˈäjëm?, Ko yˈooky tuˈugë jäˈäy etsë foyetë Mnaymyayëty.

◼ Tadë diskursë espesial diˈib naxäämp ko nety të nyaxyë Jesusë yˈoˈkën xëë, ja txëˈaty: “¿Waˈandaa jaa tyim wingoonë kutëgoˈoyën?”.

◼ Pën mnëjkxäämp wiink paˈis ets kyaj yajnigajpxy mä nuˈun të tyundë Jyobaa tyestiigëty o kyaj myinyë direksion mä Anuario mas jembyë, tunë mayˈäjtënë käjpx Betel parë xyajtëwët wiˈix mbäät mnaygyuentˈatyëty o wiˈix tijaty xytyunët, pes mbäät mä tadë paˈis kyaj yajnaˈixtë nmëguˈukˈäjtëm parë Dios tmëdundët (Mat. 10:16). Ta paˈis mä nijeˈeyë mbäät ngayajnidëˈëjëmë nmëguˈukˈäjtëm o mä nyaymyukëdë. Pääty ko mgäjpxët Betel jam myaˈˈanëëmët pën mbäät xymyënëjkxyë ëxpëjkpajn o pën mbäädë jäˈäy xytyukmëtmaytyaˈagyë Diosë yˈayuk. Ko duˈun xytyunët extëm myaˈˈanëëmë, mbäät kyaj xypyaatyë amay jotmay ets kyaj xyjotmaymyoˈoyëdë nmëguˈukˈäjtëm diˈib jap yajpattëp (1 Kor. 14:33, 40).