Majtskë meeny wyaˈkxy diˈib kyaj nëgoo ti ttsoojëty

Tuk peky wiˈix mbäät nbudëjkëm mä yajtunyë Diosë tyuunk abëtsemy nyaxwinyëdë, yëˈë ko nyäjkëmë meeny sentääbë tsojkëngyëjxm. ¿Ets pën kyaj nëgoo nmëdäjtëm?

Tëgokë Jesus tˈijxy tuˈugë kuˈooky tyoxytyëjk diˈib ayoop, tˈagonë majtskë meeny wyaˈkxy diˈib kyaj nëgoo ti ttsoojëty mä ja käjë diˈib ijtp mä templë. Mët ko ttsejkyë Jyobaa, ta dyajky “tëgekyë ja myeeny diˈibë tyukjikyˈajtypy” (Mar. 12:41-44). Ko Jesus tmëjpëjtaky, ja nyigëxeˈky ko diˈibë nety të dyaky ja toxytyëjk yajtsobatypyë Jyobaa. Jatuˈugë oybyë ijxpajtën diˈib mbäät nbanëjkxëm, yëˈë ja Dios mëduumbë diˈib jukyˈäjttë mä primer siiglë. Yëˈë oy nyayjäˈäwëdë ko dyäjktë ja meeny sentääbë, oy yˈayoodë ets oy myëkjäˈäyˈäjttë. Ko apostëlë Pablo tmaytyaky ja Dios mëduumbëty diˈib Macedonia, ojts jyënaˈany: “Axtë xymyënuˈxtaktëts es dyaktët mä myiky ja naybyudëkë”, oyë nety mëk jyantsy ayowdë (2 Kor. 8:1-4).

Pääty, oy wanatyë meeny sentääbë nyäjkëm, oy ko njamyajtsëm ko wanaty wanaty, nipajtp mëjwiin kajaa. Ko nyäjkëm amumduˈukjot, duˈun nyajxondakëm ja nDeetyˈäjtëm diˈib jantsy oyjyaˈay diˈib “tsyejpy ko ti yajˈyaky xondaˈakyˈää xondaˈakyjyot” (2 Kor. 9:7).