Nˈokkuentˈäjtëm ja jäˈäwën diˈib tuump mä jot winmäˈäny

1. ¿Wiˈix txëˈatäˈänyë asamblee tuk xëëbë diˈib tsondäˈägäämp septiembrë 2012 axtë agostë 2013, ets wiˈix xypyudëkëyäˈänëm?

¹ Tuˈuk tuˈugë xëë, nbatëmë jotmay diˈib yajtëgoyaampy ja jäˈäwën diˈib tuump mä jot winmäˈäny. Mä asamblee tuk xëëbë diˈib tsondäˈägäämp septiembrë 2012 axtë agostë 2013, ja txëˈatäˈäny: “Nˈokkuwäˈänëm ja jäˈäwën diˈib tuump mä jot winmäˈäny” (1 Tim. 1:19). Tijaty yajnimaytyäˈägäämp, yëˈë xypyudëkëyäˈänëm parë yajxon nwinmäˈäyëm wiˈix nyajtuˈunëmë tyäˈädë jäˈäwën diˈib tuump mä jot winmäˈäny diˈibë Dios të xynyamoˈoyëm.

2. ¿Diˈibatyë yajtëˈëwën yaˈˈatsoojëmbitäämp mä asamblee tuk xëëbë?

² Yajtëˈëwën diˈib yaˈˈatsoojëmbitäämp. Mä ja programë, jëxtujkë yajtëˈëwën diˈib yaˈˈatsoojëmbitäämp mä yajnimaytyäˈägäˈäny ja jäˈäwën diˈib tuump mä jot winmäˈäny:

• ¿Tijaty mbäät dyajmäˈäty ja jäˈäwën diˈib tuump mä jot winmäˈäny?

• ¿Ti mbäät xypyudëjkëm parë yajxon nduˈumoˈoyëmë tyäˈädë jäˈäwën diˈib tuump mä jot winmäˈäny?

• ¿Ti mbäät nduˈunëm parë kyaj nikëjxmˈäjtëmë jäˈäyë nyëë nyeˈpyny?

• ¿Ti nyaˈijxëm ko këkpäät nwinmäˈäyëmë tëyˈäjtënë diˈib yajpatp mä Biiblyë etsë nyajtuˈunëm?

• ¿Ti mbäät nduˈunëm parë kyaj nyajtsayujtëmë nmëguˈukˈäjtëmë jyot wyinmäˈäny?

• ¿Wiˈix mbäädë ënäˈktëjk mëk tyanëdë ko jotmay tyukminëdët?

• ¿Tijaty kunuˈkxënë pyäädaampy pënaty myëmëdoodëp extëmë jyot wyinmäˈäny yˈanëˈëmxëdë diˈib të ttuˈumoˈoy mëdë Biiblyë?

3. ¿Tijaty mbäät nduˈunëm parë xypyudëjkëm tijaty naxäämp mä asamblee tuk xëëbë?

³ Satanás mëktaˈaky tˈëxtäˈäyë winmäˈäny parë dyajmäˈädäˈänyë jäˈäwën diˈib tuump mä jot winmäˈäny, perë Jyobaa xypyudëjkëm parë nwinguwäˈkëm. Mët yëˈëgyëjxmë yˈAyuk etsë kyäjpn, yëˈë nDeetyˈäjtëmë tsäjpotmëdë xyˈanmäˈäyëm: “Tyäˈädë yëˈë duˈun ja nëˈë tuˈu. Yëˈë yoˈoytyë” (Is. 30:21). Ets tuk pëky mä Jyobaa xytyuˈumoˈoyëm, ja mä asamblee tuk xëëbë. Pääty, tunë mëjää ets mnëjkxët tuk xëë. Yajxon xymyëdooˈitët ets winmay wiˈix mbäät xyajtuny mä mjukyˈäjtën. Ninax jatëgok mëdë mfamilyë tijaty të xynyijawëdë. Duˈuntsoo, nmëdäjtëm ja jot winmäˈäny wäˈäts ko nyajtuˈunëm ja Diosë kyäjpxwijën, ets kyaj nasˈijxëm parë xyajtuˈudëgoˈoyëm ja xondakën diˈib yˈawäˈänëbë Satanásë jyaˈay (1 Peed. 3:16).