Ënäˈktëjk nyayajtëwëdë, ¿tijëts ndunaampy mätsë njukyˈäjtën? (Myëduˈuk pëky)
Ko ënäˈkuˈunk yaˈknëdë, ta këˈëm twinˈixtë ti diˈib jëjpˈam tyunandëp mä jyukyˈäjtën. Parë yajpudëkëdët, të yajtuknigojëdë tyäˈädë bideo diˈib xyëˈäjtypy: Los jóvenes preguntan... ¿Qué haré con mi vida? Mä tsyondaˈaky, winˈix mä jyënaˈany Ver drama parë xyˈixët ja pelikula ets xyˈatsoojëmbitët ja yajtëˈëwën diˈib miimp mä parrafo 2. Ta net mä jyënaˈany Entrevistas, winˈix mä jyënaˈany Al mirar atrás... ets xyˈatsoojëmbitët ja yajtëˈëwën diˈib miimp mä parrafo 3.
Pelikula. 1) ¿Wiˈix nanduˈun tyam mayë ënäˈktëjk yajpäättë extëmë Timoteo? 2) ¿Wiˈixë Andy mëktaˈaky yaˈˈanmääy parë myëjpëtsëmët mä pyëyeˈeky? 3) ¿Wiˈixë nmëguˈukˈäjtëm Fleissig tˈanmääyë Andy 1) ko ttunäˈänët majtsk pëky, tmëdunäˈänëdë Jyobaa ets pyëyëˈëgäˈänët? (Mat. 6:24.) 2) mä wiˈix yajpääty ja jaantsypyë jotkujkˈäjtën? 3) mä ti nety tukjamyajtsëp ja texy diˈib ojts tmëdaty ko yˈijty tsumy? 4) mä ja ryetratë mëdë nyëdoˈoxy ets mët ja wiink jäˈäyëty? 5) mä wiˈixë nety nyayjawëty ko tmastuty ja diˈibë nety tsyojkënyëˈajtypy? (Filip. 3:8.) 4) ¿Wiˈixë Andy nyanwelë yˈatsoojë ko dyajtëëy pën axëëk ko myëjpëtsëmäˈänët mä pyëyeˈeky? (Luk. 4:5-7.) 5) ¿Jotkujkë Andy nyayjäˈäwë ko myadaky mä ojts pyëyëˈëktë? 6) ¿Ti diˈib mas mjotjäjtëp mä ja neky diˈibë nmëguˈukˈäjtëm Fleissig nyikak parë Andy? (Prov. 10:22.) 7) ¿Ti diˈib jyaygyujkë Andy mët ko pyudëjkë Fleissig?
Al mirar atrás. 8) ¿Ti nyiˈëxpëjkëdë ja nmëguˈukˈäjtëm diˈib yajnäjxtë entrebistë, ets tiko? 9) ¿Ets wiˈixë nety kujk ttukˈoybyëtsëmdë? 10) ¿Ti diˈib yajwinmääyëdë mä wiˈixë nety jam jyukyˈattë? (2 Kor. 5:15.) 11) ¿Ets wiˈix tmastuttë ja karreerë diˈibë nety myëdäjttëp ets ttuundë ja Diosë tyuunk, ets tiko jyënandë ko kyaj nety majtsk pëky mbäät ttundë? 12) ¿Myëkjäˈäwëdë ko jyukyˈäjtën dyajtëgäjtstë? 13) Ënäˈktëjk, extëmë tyäˈädë nmëguˈukˈäjtëm të tnimaytyäˈäktë, ¿ti diˈib të myajwinmayëdë parë xyˈixtët ti mdunandëp mä mjukyˈäjtën?
Ko jatëgok nduˈukmujkëm mä Yajniˈëxpëkë wiˈix ngäjpxwäˈkxëm, ta yaˈixäˈäny mä tˈakmëminyë wiinkpë entrebistë ets tijaty yˈakmëmiimbyë tyäˈädë bideo. Myaˈˈanmääytyëp parë xyˈixtët ets mbäät xyˈatsoojëmbittë.