Yëˈë të xytyuknijäˈäÿëm Diˈib wyooyoˈoytyëbë Jyobaa tyestiigëty

Mëguˈuktëjkëty:

Yëˈë nDeetyˈäjtëmë tsäjpotmëdë Jyobaa, yëˈë duˈun diˈib mas myëdäjtypyë tsojkën, mët ko Biiblyë jyënaˈany: “Dios yëˈë dëˈën ja tsojkën” (1 Fwank 4:8). Oy tjamëdaty tukëˈëyë mëjää, nimää kyajënäˈäny mä Biiblyë: “Dios yëˈë duˈun mëkˈäjtën” o “Dios yëˈë duˈun ja mëjää”. Ets wiˈixë Jyobaa yˈaneˈemy yëˈë tyukwäˈkpejtypyë tsojkën, pääty niˈigyë nmëwingonäˈänëm.

Jyobaa kyaj xytyukˈaguanëˈäjtëm parë nmëduˈunëm. Kyaj yëˈëjëty tuˈugë anaˈambë diˈib atsip ti xytyuktunäˈänëm mët ko tmëdatyë mëjää. Per yˈawijxypy ets nmëduˈunëm mët ko ntsojkëm ets tsyoonët desde mä korasoon. Duˈun ndukˈijxëm ko ntsojkënyëˈäjtëm ets yëˈë xyˈanaˈamëm mët ko seguurë nˈijtëm ko yˈaneˈemy mëdë tsojkën etsë tëyˈäjtën. Pes duˈun dyaˈijxë desde ko naxwinyëdë jäˈäy jyukyˈäjttsondaky.

Jyobaa kyaj ttukˈaguanëˈäjtyë Adán mëdë Eva parë myëmëdowëdët, nyasˈijxë parë këˈëm twinˈixtët ti tyunandëp. Koxyëp tjantsy tsyojktë Jyobaa ets tmëjjäˈäwëdë tijatyë nety të tyukmëdunëdë, kyajxyëp tnasˈijxëdë ets tmëdëgoytyët ko Satanás yˈanmääyëdë.

Ko tiempë nyajxy, ta Moisés tˈanmääy ja israelitëty ko ojts nyayjëgäjpxënë: “Tyam miits ënet mbätëdëp xywyinˈixtëty, mëdiˈibë mtsojkënyˈäjtëp, pënë yëˈë ja oyˈäjtën ets ja juukyˈäjtën, ëgë pënë yëˈë ja ëxëëkˈäjtën, ets ja oˈkën tëgoˈoyën” (Deut. 30:15, Mʉgoxpʉ ja̱ noky mʉdiˈibʉ jyaayʉn Moisés). Awäˈätstumë nety yajpäättë parë këˈëm twinˈixtët wiˈix jyukyˈatäˈändë. Josué nanduˈun tˈanmääy ja israelitëty: “Pën axëëk xyˈixtë ko xymyëdundë Jyobaa, winˈixtë tyam pën mmëdunandëp”. Net ja israelitëty yˈatsoowdë: “Kyajts nwinmaytyë, nmastuˈudäˈändë Jyobaa” (Jos. 24:15, 16). Ëtsäjtëm nanduˈun njënäˈänëm, pes ntsojkëmë Jyobaa ets kyaj nwinmäˈäyëm nmastuˈudäˈänëm.

Niˈamukë Dios mëduumbë njaygyujkëm yajxon ti yˈandijpy nmëdäjtëm ja madakënë parë këˈëm nwinˈijxëm ti ndunäˈänëm. Mëjjäˈäytyëjk myëdäjttëbë madakën parë dyaktëdë käjpxwijën o axtë xyjëjpwijtsëmbijtëm, per kyaj parë xytyuktunäˈänëm ti tyim tsojktëp, o parë aguanë xytyukmëdunäˈänëmë Dios. Apostëlë Pablo tkujäˈäyë: “Kyajts ëj nnëjxäˈäny es miits xywyintsënˈattëdëts mä yëˈë mmëbëjkënëty; jaˈa dëˈën [...] ntsejpyëts nbudëkëyäˈändë es xymyëdattët niˈigyë jotkujkˈäjtën esë xondakën, mët ko amumduˈukjot xymyëbëktë yëˈë Nintsënˈäjtëm” (2 Kor. 1:24).

Mas ndukxondakëm ko tijaty nduˈunëm tsojkëngyëjxm ets kyaj mët ko pën xytyukˈatsipˈäjtëm. Jyobaa xyˈanmäˈäyëm ets nduˈunëmë oybyë tsojkëngyëjxm. Jëjpˈam ets duˈun nduˈunëm mët ko Pablo jyënany: “Pën nyajwaˈxypyëts ëj tëgekyë diˈibëts ëj nmëdäjtypy njaygyejpy, es pën axtë ngëyajkypyëts ja nniniˈx es yajnoˈogët extëmë wintsëˈkën, per pën kyajts nmëdaty ja tsojkën mët ja wiinkpëty, nimatsoots xykyatuˈunxëty” (1 Kor. 13:3).

Jantsy jotkujkë Jyobaa nyayjawëty ko tˈixy wiˈix miyonkˈamë nmëguˈukˈäjtëm myëdunëdë mët ko jyantsy tsyokëdë amumduˈukjot.

Jyobaa mëk ttseky pënaty mëduunëp. Duˈun miitsëty ënäˈkuˈunk etsë ënäˈktëjk, oy ko xytsyoktë Jyobaa ets kyaj yëˈëjëty ja xondakën diˈibë naxwinyëdë jäˈäy yˈawäˈänëp. Ets ittë seguurë ko ëëtsëty mëk nanduˈun ntsoktë (Luk. 12:42, 43).

Miitsëty mëguˈuktëjk duˈunë yetyëjk, toxytyëjk etsë ënäˈktëjk mëk xytsyoktë Jyobaa, pääty mä tadë jëmëjt të nyaxy, ja të mˈëwäˈkx mgäjpxwäˈkxtë 1,748,697,447 oorë. Ets mët ko xytsyoktë Jyobaa, ja niˈamukë abëtsemy nyaxwinyëdë të mdundë 7,782,346. Ets jantsy agujk jotkujkëts nnayjawëdë ko ja 268,777 të nyëbattë nmëguˈukˈäjtëm, ets jantsy nimayë ënäˈktëjk. Ja yajwijtspëtsëmy të nyëbattë 5,168 winsëmäänëty. ¡Tyäˈädë jantsy jotkujk xyajnayjäˈäwëm!

Niˈamukë kuanë ko nwinguwäˈkëmë amay jotmay mä tyäˈädë tiempë diˈib jëjpkëxanëp, extëmë yuu päˈäm, ko jäˈäy xyˈaxëkˈijxëm ets mayë nmëguˈukˈäjtëm diˈib të myëjjäˈäyëndë. Per nˈokpëjtakëmë winmäˈäny ets ninäˈä ngaˈëxtëkëwäˈkëm ets ngaˈˈanuˈkxëm. Mëk ntsoktë niˈamukë (Eb. 10:39; 2 Kor. 4:16).

Yëˈë mmëguˈuktëjk,

Diˈib wyooyoˈoytyëbë Jyobaa tyestiigëty