¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib julië?

“Niˈamukë jäˈäy jyajukyˈatäˈändë jeky ets agujk jotkujk. Per wiˈix mˈokwinmay, ¿waˈandaa ëxpëkyjyaˈay etsë tsooy xypyudëjkëm parë njukyˈäjtëm winë xëë?” Ko jäˈäy yˈatsoojëmbitët, ta net xytyukˈixëdë rebistë Diˈib Xytyukˈawäˈänëm 1 äämbë julië pajina 32, ets nimaytyäˈäk ja tim jawyiimbë yajtëˈëwën ets käjpx naa tuˈugënë tekstë. Awanë ja rebistë ets anëëmë ko jatëgok mjëmbitäˈäny parë xyˈatsoojëmbitët jatuˈukpë yajtëˈëwën.

Notë: Tyäˈädë demostrasyonk ja nyaxët 6 äämbë julië mä nmëguˈukˈäjtëm të tyuˈukmuktë parë nyëjkxäˈändë käjpxwäˈkxpë.

Diˈib xytyukˈawäˈänëm 1 äämbë julië

“Mayë jäˈäy diˈibëts ja nmëtmaytyaktëp jyënäˈändë ko myëdäjttëbë ryelijyonk. Perë wiinkpë jyënäˈändë ko kyaj tnekytyukjotkujkˈattë. ¿Wiˈix mˈokwinmay? [Waˈan tˈatsoojëmbity.] Jesus ojts tnigajpxy ti mbäät nduˈunëm ko nwinˈijxëmë relijyonk [käjpxë Lukʉs 6:44a]. Tyäˈädë rebistë yëˈë nyimaytyakypy tuk pëky majtsk pëky tijaty kyaj oy ttundë relijyonk ets tˈatsoojëmbityë tyäˈädë yajtëˈëwën: ¿Jadaa tuˈugë relijyonk diˈib mbäät ndukjotkujkˈäjtëm?”

¡Despertad! Julië

“Yëˈëjëts tyam nguˈijxëdëbë nmëjëmbäˈä nmëdëjkpäˈä parëts ndukmëtmaytyäˈägäˈändë tuˈugë jotmay diˈib mayë jäˈäy myëmääy myëdäjtëp: ko kyaj yajtunyë tëyˈäjtën. Extëm xynyijawë, ta jäˈäy diˈib tyuundëbë martsyë parë yajtunëdë tëyˈäjtën. Wiˈix mˈokwinmay, ¿waˈandaa yˈoyëdë tyäˈädë jotmay ko myartsyë tundë? [Waˈan tˈatsoojëmbity.] Biiblyë xyˈanmäˈäyëm pën mbäät jeˈeyë dyaˈoyë tyäˈädë jotmay [käjpxë Matewʉ 6:9, 10]. Mä tyäˈädë rebistë yaˈˈatsoojëmbitäˈäny pën mbäät yˈoyë tyäˈädë jotmay ko jäˈäy myartsyë tundë.”

Oybyë ayuk diˈib tsoˈomp mä Dios

“Yëˈëjëts tyam nguˈijxëdëbë nmëguˈuktëjk parëts ndukmëtmaytyäˈägäˈändë oybyë ayuk diˈib yajpatp mä Biiblyë. May nyayajtëwëdë tiko tuˈugë Dios diˈib tsojkp tnasˈixë ets jyaˈˈatëdë ayoˈon. Wiˈix mˈokwinmay, ¿waˈandaa Dios të xyajmiˈinëm yä Naxwiiny parë nˈayoˈojëm?” Waˈan tˈatsoojëmbity, ta net xyˈëxtäˈäyët mä ja ëxpëjkën 5. Käjpxtë majtskë parrafo diˈib tim jawyiin miimp ets ja tekstë diˈib miimp kursiibë. Awanë ja foyetë ets anëëmë ko jatëgok xynyijëmbitäˈäny parë xyˈaktukmëtmaytyäˈägäˈäny ja myëmajtskpë yajtëˈëwën diˈib miimp yëkaty.