Yaˈˈajamyatsë diˈib të nyaxy mä Yajniˈëxpëkë Diosë Tyuunk
Mä tadë sëmään 26 äämbë agostë 2013, ja yaˈˈatsoojëmbitäˈänyë tyäˈädë yajtëˈëwën. Myëmiimpy ti xëë ets ti poˈo yajnimaytyäˈägäˈäny, parë nbayoˈoyëm wiˈix yaˈˈatsoojëmbity ko niˈëxpëjkëm sëmään sëmään tijaty naxäämp mä Yajniˈëxpëkë Diosë Tyuunk.
1. ¿Wiˈix nbudëjkëmë nmëguˈukˈäjtëm mëdë meeny sentääbë ko yˈayoˈonbäättë? (Apos. 11:27-30.) [1 jul. jl ëxpëjkën 18 parr. 2.]
2. ¿Wiˈix yajtuˈumooyë Diosë kyäjpn mä primer siiglë, ets yëˈë diˈib tyam pyanëjkxtëp Diˈib wyooyoˈoytyëbë Jyobaa tyestiigëty? (Apos. 15:2, 25.) [8 jul. jl ëxpëjkën 20 parr. 1.]
3. Pënaty naynyigäjpxëdë ko tpanëjkxtë Kristë, ¿wiˈix dyajnaytyuktëjkëdë Jesusë tyukniˈˈijxën mët diˈib kyaj tyëyˈäjtënëty ko ja apostëlëty ojts yˈoˈktääynyëdë? (Apos. 20:29, 30.) [15 jul. jl ëxpëjkën 3 parr. 1.]
4. Pën ntsojkëm etsë Jyobaa xytyukjotkëdakëm, ¿tiko kyaj jeˈeyë tsyekyëty ets nmëdäjtëm wäˈätsë jot winmäˈäny? (Apos. 23:1.) [22 jul. lv paj. 17 parr. 8, notë.]
5. ¿Wiˈix mbäät nbanëjkxëmë apostëlë Pablo yˈijxpajtën ko nwinguwäˈkëmë yajkutujkpë? (Apos. 26:2, 25.) [29 jul. lv paj. 45 parr. 19.]
6. ¿Ti mbäät ttundë tääk teety parë tmoˈoytyëdë yˈuˈunk yˈënäˈkë oybyë ijxpajtën ko ttundët tijaty tëyˈäjtën myëët, ets wiˈix wyimbëtsëmäˈäny? (Rom. 2:21.) [5 agos. lv paj. 163 parr. 9.]
7. ¿Wiˈix mbäädë Dios mëduumbë dyaˈˈaxëëgë nyiniˈkx kyëbäjk mëdë ixy jawë, ets wiˈix nëjkx tkuˈayoˈombäädë? (Rom. 3:13-18.) [5 agos. lv paj. 64 parr. 6.]
8. Extëm jyënaˈanyë Romanʉs 7:2, ¿ti mbäät nyayajtëyëty tuˈugë kiixy parë tnijawët pën listë yˈity ets pyëkët? [12 agos. lv paj. 117 parr. 16.]
9. ¿Ti xypyudëkëyäˈänëm parë njotmoˈoyëmë Diosë tyuunk? (Rom. 10:13-15.) [19 agos. wp13 1/5 paj. 14, parr. 9.]
10. Ko Romanʉs 13:1-7 tmaytyaˈagyë “justisëtëjkëty es pënëty yajkutujktëp”, ¿pënatyën yajmaytyakp, ets wiˈixaty nyaˈijxëm ko nwintsëˈkëm? [26 agos. lv paj. 44 parr. 18.]