Diˈib mas jëjpˈam të yajtuny

¡Jantsy jotkujk ojts nnayjäˈäwëm ko ojts nˈasambleeˈäjtëm tëgëk xëë diˈib xëˈäjt “Diosë yˈAyuk yëˈë duˈun ja tëyˈäjtën”! Tyäˈädë asamblee ja tyam yajtijy, asamblee diˈib tuunëp mä ja it lugäär. Jap Guatemala ja ojts tyunyëty 24 asamblee diˈib näjx jëxtujk ayuk. Ja yˈojtstë 67,437 ets tˈijxtë ko nyëbajttë 1,026 jäˈäy diˈib të tpëjtäˈäktë wyinmäˈäny tmëdunäˈändë Jyobaa. Ets mä tukëˈëyë it lugäär diˈib nyikëjxmˈäjtypyë Betel ja ojts tyunyëty asamblee 492, diˈib näjx 55 ayuk ets ja wyinëˈäjttë jäˈäy 1,778,096. Ets ja nyëbajttë 21,292. Jantsy jotkujk nnayjäˈäwëm ko nˈijxëm wiˈix yˈadëy extëm ja kugajpxy Isaías ojts tnaskäjpxë: “Mindë, ets nˈokpajtëm mä Jyobaa kyopk [...]; ets yëˈë xytyukniˈˈixëyäˈänëm ja nyëˈë tyuˈu, ets nëjkxëp nˈyoˈoyëm mä ja nyëˈë tyuˈu” (Is. 2:3).