¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib septiembrë?

“Mayë jäˈäy tmëbëktë ko jyaajëtyë anklës. ¿Mmëbëjkypy mijts? [Waˈan tˈatsoojëmbity.] Yëˈë anklësëty jantsy kumëjääjëty ets kyaj mbäät nˈijxëm. Per wiˈix mˈokwinmay, ¿mbäädëdaa xypyudëjkëm? Biiblyë nyimaytyakypy wiˈix xypyudëjkëm.” Tukˈix ja artikulo diˈib miimp rebistë ëxkëˈëy mä Diˈib Xytyukˈawäˈänëm 1 äämbë septiembrë, nimaytyäˈäk ja tim jawyiimbë parrafo ets käjpx naa tuˈugënë tekstë. Awanë tyäˈädë rebistë mëdë ¡Despertad! ets anëëmë ko jatëgok mjëmbitäˈäny parë xyˈatsoojëmbitët jatuˈukpë yajtëˈëwën.

Diˈib Xytyukˈawäˈänëm 1 äämbë septiembrë

“Wiˈix mˈokwinmay, ¿mbäädëdaa yˈoyë tyäˈädë Naxwinyëdë diˈibë jäˈäy yajwindëgoopy? [Waˈan tˈatsoojëmbity.] Naxwinyëdë jäˈäy kyaj mbäät dyaˈoyëdë diˈib të dyajwindëgoytyë, perë Biiblyë jyënaˈany ko Dios mbäät dyaˈoyë ets tsyojkënyëˈajtypy duˈun ttunäˈäny. Salmo 65:9 xyˈanmäˈäyëm ko seguurë duˈun ttunäˈäny [käjpx]. Tyäˈädë rebistë yëˈë nyimaytyakypy wiˈixë Dios tkuentˈatäˈänyë Naxwinyëdë ets wiˈix mbäät ndukˈoyˈäjtëm ja kunuˈkxën diˈib miin këdakp. Oyxyëp ko xyajwëˈëmy parë xykyäjpxët.”

¡Despertad! Septiembrë

“Ta mayë jäˈäy diˈib wyinmääytyëp ko tsojkëp mëk tyundët ets kyaj tnijawëdë wiˈix mbäät yˈawäˈätspëtsëmdë. Ëxpëkyjyaˈay jyënäˈändë ko mbäädë jäˈäy pyäˈämdunyëty ets axëëk nyayjawëty. ¿Ti mbäät pyudëkëdë parë kyaj ttimˈyaˈˈaniˈigyëdët? [Waˈan tˈatsoojëmbity.] Tyäˈädë tekstë diˈib yajpatp mä Biiblyë, mbäät xyajwinmäˈäyëm [käjpxë Eclesiastés 4:6]. Tyäˈädë rebistë taxk pëky xywyinmäˈänymyoˈoyëm wiˈix mbäät nˈijxëm tijaty jëjpˈam ets ti mbäät nduˈunëm ko xyaˈˈanuˈkxëmë tuunk ayoˈon.”