Ko xyˈatsoˈowëmë ënäˈkuˈunk

Pën yëˈë xyˈatsoˈowëmë ënäˈkuˈunk, oy ko nyajtëˈëwëm pën jap ja tyääk tyeety, duˈun nyajnigëxëˈkëm ko nmëjˈijxëm ja kutujkën diˈib myëdäjttëp (Prov. 6:20). Pën xyˈanmäˈäyëmë ënäˈkuˈunk parë näjxëm tyëgoty, oy ko kyaj ngupëjkëm. Pën ja tyääk tyeety kyaj myadäˈäktë, mbäät ok njëmbijtëm.

Ets pën yëˈë xyˈatsoˈowëm diˈib tam yaˈkpëtsëëmnë, oy ko nyajtëˈëwëm pën jap ja tyääk tyeety. Pën kyaj yˈawäätsëdë, oy ko nyajtëˈëwëm pën yajnasˈijxëp tkajpxy ti tsyojkënyëˈajtypy. Pën jënäämp ko yajnasˈijxëp, ta nmoˈoyëm tuˈugë ëxpëjkpajn ets ndukˈijxëmë jw.org.

Ko jatëgok nnijëmbijtëm tuˈugë mixy o kiixy diˈib të tˈoymyëdoyë Diosë yˈayuk, nˈokˈanmäˈäyëm ko njaˈixyˈatäˈänëmë tyääk tyeety parë ndukmëtmaytyakëm tiko ninëjkxëm ets wiˈixë Biiblyë dyakyë oybyë käjpxwijën parë familyë (Sal. 119:86, 138). Ko nmëjˈijxëmë tääk teety, ta oy nyajnimaytyakëm ets nëjkxëp ndukmëtmaytyakëm ja oybyë ayuk niˈamukë familyë (1 Peed. 2:12).