Winˈix yajxonë mëtnaymyaayëbë

Mëjwiin kajaa tijaty xytyukniˈˈijxëm extëm ja israelitëty jyäjttë mä ja it naxwinyëdë diˈib Moab (1 Kor. 10:6, 8, 11). Yëˈëjëty ojts nyaymyëˈoybyëkëdë mët ja toxytyëjkëty diˈib Moab, diˈib axëëgë jyukyˈäjtënë yajnëjkxtëp ets tˈawdattë awinax. Ojts wyinˈëën wyinxäjëdë, ets yajpokytyunëdë mëjwiin kajaa. Ko duˈun yˈadëtstë, axëëk tkujäjt tkukëbajtëdë (Núm. 25:9). Tyam ëtsäjtëm, yajpatëm mëdë jäˈäy diˈib kyaj tmëdundë Jyobaa, extëm mä nduˈunëm, nˈeskuelëˈäjtëm, mëjjëmbäˈä mëdëjkpäˈä etsë jiiky mëguˈuk. Extëm jyäjttë ja israelitëty, ¿ti xytyukniˈˈijxëm ko nnaymyaˈayëm mëdë duˈumbë jäˈäy?

KO NETY TË YAˈIJXTÄˈÄYË BIDEO IJXPAJTËN DIˈIB MBÄÄT TYAM XYJOTˈYUJXËM (JEˈEYË TUK PËKY YAˈIXËT), TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Wiˈixë nety wyinmayë Zimrí mët ja myëguˈuktëjk diˈib jyatukmëbëkandë Jamín?

• 

  ¿Wiˈixë Finehás tpudëjkë Jamín parë tˈixët tijaty extëm tyëyˈäjtënëty?

• ¿Wiˈix tyëgatsyëty ko jeˈeyë nˈijtëm oyjyaˈay mëdë jäˈäy diˈib kyaj tmëdundë Jyobaa ets ko mëët nnaymyaˈayëm?

• ¿Tiko yˈoyëty nwinˈijxëm ja mëtnaymyaayëbë axtë pënaty mëët tuˈugyë nˈëxpëjkëm?

• ¿Tiko kyaj yˈoyëty ndëjkëm mä grupos de chat mä jyapëtyë jäˈäy diˈib kyaj nˈixyˈäjtëm?