Tsiptak per yajtuun mëdë Diosë myëjääw

Nuˈun kujkë tiempë nyaxy, Diosë kyäjpn mëjwiin kajaa tijaty kujk ttundë, per kyaj mët ko tyim wijyˈattë, yëˈë duˈun mët ko Jyobaa pyudëkëdë. Mä jëmëjt 1954, ja dyajpëtsëëmdë tuˈugë pelikula inglés diˈib xëwˈäjt La Sociedad del Nuevo Mundo en acción. Nimay ja nmëguˈukˈäjtëm diˈib yajpëtsëëmdë tyäˈädë pelikula kyaj nety ttimnijawëdë wiˈix yˈoyë. Per yajpëtsëëmdë mët ko Jyobaa tyukpudëjkëdë ja myëjääw. Tyäˈädë yëˈë xyaˈijtëm seguurë ko pën ndukˈijxpajtëmë Jyobaa, mbäät nduˈunëm oytyim ti tuungëty diˈib xytyuknipëjkëm (Zac. 4:6).

KO NETY TË YAˈIJXTÄˈÄYË BIDEO CÓMO SE HIZO “LA SOCIEDAD DEL NUEVO MUNDO EN ACCIÓN”, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tiko yajtuknibëjtakë pyëtsëmët tuˈugë pelikula diˈib nyimaytyakypy wiˈix tyundë Jyobaa tyestiigëty?

• ¿Wiˈix ja pelikula dyajnigëxëˈky ko Betel duˈun tyuny extëmxyëp jeˈeyë tuˈuk ja niniˈkx këbäjk? (1 Kor. 12:14-20).

• ¿Tijaty jotmay wyinguwäˈkëdë ja nmëguˈukˈäjtëm, ets ti diˈib pudëjkëdë?

• ¿Ti mdukniˈˈijxëp mä wiˈixë Diosë myëjääw tyuny?