Taaˈäjtp tëgëk pëky wiˈix nyajnigëxëˈkëm ko ndukˈijxpajtëmë Jyobaa

David myëmadakë Goliat mët ko tyukˈijxpajtë Jyobaa amumduˈukjot (1 Sam. 17:45). Jyobaa nanduˈun tpudëkëyaˈany pënaty mëduunëp (2 Crón. 16:9). ¿Ti mbäät nduˈunëm parë nyajnigëxëˈkëm ko ndukˈijxpajtëmë Jyobaa ets kyaj ëtsäjtëm këˈëm? Min nˈokˈijxëm tëgëk pëky.

• Mmënuˈkxtäˈäk xëmë Jyobaa. Kyaj jaayë xymyënuˈkxtäˈägëdë Jyobaa ko nety të mbokytyuny, nanduˈun xyˈamdowëdë jot mëjääw ko jam ti myajnëˈëdëgoyaˈany myajtuˈudëgoyaˈanyëty (Mat. 6:12, 13). Kyaj jeˈeyë xymyënuˈkxtäˈägëdë Jyobaa parë mgunuˈkx mguwäˈänëdët mä mëdiˈibë të xywyinˈixy xytyunäˈäny, nanduˈunën parë mnëˈëmoˈoy mduˈumoˈoyëdët mä kyajnëm ti xytyuny (Sant 1:5).

• Käjpx ets ëxpëk xëmë Biiblyë. Käjpxë Biiblyë bom bom (Sal. 1:2). Pawinmay tijaty mdukniˈˈijxëp ja Dios mëduumbëty mëdiˈibë yajmaytyaktëp mä Biiblyë ets panëjkxëdë yˈijxpajtën (Sant. 1:23-25). Ëxpëk kontiempë wiˈixë jäˈäy xymyëtmaytyäˈägäˈäny ko mnëjkxët käjpxwäˈkxpë ets kyaj këˈëm mnaytyukjotkujkˈatëdët. Ëxpëk nanduˈun tijaty naxäämp reunyonk parë mnaytyukpudëkëdët.

• Pudëkë Diosë nyax kyäjpn. Ix wiˈix tyam mnëˈëmoˈoy mduˈumoˈoyëtyë Diosë nyax kyäjpn ets netyë duˈun tun (Núm. 9:17). Mmëmëdow nanduˈun wiˈix mnëˈëmoˈoy mduˈumoˈoyëdë ja mëjjäˈäytyëjkëty ets wiˈix mˈëwij mgäjpxwijëdë (Eb. 13:17).

KO NETY TË YAˈIJXTÄˈÄYË BIDEO ¡KËDII MTSËˈËGËDË KO MYAJNIBËDËˈËKTËT!, TA YAˈˈATSOOWËMBITËDË YÄˈÄDË YAJTËˈËWËN:

• Mä yäˈädë bideo, ¿tijatyë nmëguˈukˈäjtëm jyëjptsëˈkëdëp ko yajtsumdë?

• ¿Ti pudëjkëdëp parë kyaj tsëˈëgë myëmadäˈägëdë?