27 ÄÄMBË MAYË AXTË 2 ÄÄMBË JUNIË
SALMOS 42-44
Ëy 86 etsë nuˈkxtakën | Ääw ayuk mëdiˈibë mëët tsyondaˈaky (1 min.)
1. Nˈoknaytyukpudëjkëm extëm tyamë Jyobaa xyaˈëxpëjkëm
(10 min.)
Oy ko xëmë Jyobaa xyˈawdatët mëdë mëguˈuktëjk ets oy ko jap mëët ndimyyajpäädët mä tyuˈukmuktë (Sal. 42:4, 5; w06-S 1/6 paj. 9 parr. 4).
Nuˈkxtäˈäk mä kyajnëm xyˈëxpëkyë Biiblyë (Sal. 42:8; w12-S 15/1 paj. 15 parr. 2).
Nnaytyuknëˈëmoˈoy naytyuktuˈumoˈoyëdë Biiblyë mä mjukyˈäjtën (Sal. 43:3).
Ko Jyobaa xyaˈëxpëjkëm xymyoˈoyëmë jot mëjääw parë nmëmadakëmë amay jotmay ets parë nmëduˈunëm xëmëkyëjxm extëm ojts ndukwandakëm (1 Peed. 5:10; w16.09 paj. 6 parr. 11, 12).
2. Nˈokˈëxtäˈäyëmë oorë platë mëdiˈibë ijtp yuˈutsy
(10 min.)
Sal. 44:19. ¿Ti Biiblyë myaytyäˈägaampy ko jyënaˈany “mä tsyëënëdë wax”? (it-1-S paj. 470).
Mä të xykyajpxyë Biiblyë yäˈädë sëmään, ¿tijaty të xypyaaty mëdiˈibë myajtsobatypy extëmë oorë platë?
3. Yajkajpxyë Biiblyë
(4 min.) Sal. 44:1-26 (th ëxpëjkën 11).
4. Wiˈixë jäˈäy nmëtmaytyaktsoˈonëm
(4 min.) MÄ JYËËN TYËJK. Anëëmë ko myaˈëxpëkaampy (lmd leksion 5 numero 5).
5. Wiˈixë jäˈäy nnijëmbijtëm
(5 min.) MÄ JYËËN TYËJK. Wowë jäˈäy reunyonk parë nëjkx tmëdoowˈity ja diskursë. Tijaty nyimaytyakypyë bideo ¿Ti yajtuump mä ja Tëjk mä yˈëxpëktë Jyobaa tyestiigëty?, per kyaj xytyukˈixët (lmd leksion 7 numero 5).
6. Diskursë
(3 min.) lmd mëdiˈibë mëët kyaˈpxy 1 numero 4. Ja txëwˈaty: ¿Mnijäˈäwëp ko pyäädaambyë tiempë mä oy mëk nyajpäädäˈänëm? (th ëxpëjkën 2).
Ëy 21
7. Winˈix yajxon ti mniˈëxpëkëyaampy ets ti tuunk mnijukyˈataampy
(15 min.) Nimaytyäˈäk ets yajtëw.
Ënäˈktëjkëty, ¿të xynyijawëdë ti mdunandëp ko nety kyaj mˈokˈeskuelëˈäjnëdë? Waˈan jam xyˈixy ti tuunk mdunaampy parë mbäädë tiempë xymyëdaty ets mdunët prekursoor. O waˈan mwinmay ko parë duˈun mdunët, tsojkëp jawyiin mˈakˈëxpëkët ets xymyëdatët tuˈugë mgarreerë. Ja mbäät duˈun xywyinˈixy mä mˈënäˈkˈaty. Waˈan kyaj xynyijawë ti mdunëp mët ko taaˈäjtp kanäk pëky mëdiˈibë mbäät xytyuny. O waˈan pën mëktaˈaky mˈanëˈëmxëty ti mdunëp. Per, ¿ti mbudëkëyanëp parë xynyijawët ti mdunëp?
KÄJPXË MATEWɄ 6:32, 33. Ta net xyajtëwët:
¿Tiko yˈoyëty jawyiin xyˈixët pën myajmëjwiindëkëyaampy niˈigyë Diosë tyuunk mä kyajnëm xyˈixy ti mniˈëxpëkëyaampy ets ti tuunk mdunaampy?
¿Ti mbäät ttundë tääk teety parë tpudëkëdët ja uˈunk yˈënäˈk ets tkuytyundët extëm jyënaˈanyë Matewʉ 6:32, 33? (Sal. 78:4-7).
Këdii duˈun tijaty xytyuny mët ko niˈigyë xymyëdatäˈänyë meeny sentääbë o mëjˈaampy mˈitäˈäny (1 Fwank 2:15, 17). Jamyats ko pënaty myëdäjttëbë meeny sentääbë, tsip tmëwingondëdë Dios (Luk. 18:24-27). Ko niˈigyë nbaˈoˈktëˈëwëm ja meeny sentääbë, tsip nwimbajtëm mä Diosë tyuunk ets oy nDiosmëduˈunëm (Mat. 6:24; Mar. 8:36).
Pëjktäˈägë BIDEO ¡Naygyuentˈatëdë! Këdii xytyukjotkujkˈaty tijaty këxäämp naxäämp! Ko nmëdatäˈänëmë meeny sentääbë. Ta net xyajtëwët:
¿Wiˈix mbäät mbudëkëtyë Proverbios 23:4, 5 parë xyˈixët ti mdunaampy?
8. Yaˈëxpëkyë Biiblyë mä nduˈukmujkëm
(30 min.) bt kap. 10 parr. 5-12.