Tuˈugë maˈtspë mä ja israelitëty

¡OK IX ti yamë tyäˈädë jäˈäy nyitajpy wyitëjk patkëˈëy! Yëˈë tuˈugë witë tsujpë, oorë etsë platë meeny diˈib të tjuuty Jerikoo. Per ¿mjamyejtsypy wiˈix të yajtunyxyëbë tyäˈädë wit, ets mäxyëbë tadë oorë etsë platë të yajmënejxy?

Tadë wit yajnoˈkxyëp etsë tadë oorë mëdë platë japxyëp ojts yajmënejxy mä ja tabernakulo. Päätyë tyäˈädë jäˈäy kyaj tmëmëdooyë Dios. Yëˈë ojts tmeetsy diˈibë Dios jyaˈäjtypy. Tyäˈädë yetyëjk ja txëˈäjty Akan, ets pënaty jam mëët yëˈë fyamilyë. Min nˈokˈijxëm ti net tuun jäjtë.

Të nety ja Akan myeetsy ko ja Joswee tkejxy ja israelitëty tsiptuumbë mä ja käjpn diˈib xyëˈäjtypy Ai. Per kyaj ja israelitë myadaktë. Niganääk yˈoˈktë ets nimay kyaktë. Joswee ta jyantsy jyotmay tyuktëjkë. Ta nyayjujpë naxkëjxy, ets tmënuˈkxtakyë Jyobaa ets tˈanmääjy: ¿Tiko xynyasˈixë ets dëˈën tyun jyatëdët?

Ta Jyobaa yˈanmääyë: ¡Pëdëˈëk! Yëˈë käjpn të pyokytyuny. Të ttony diˈib të jyapäätyëty kyutëgoyët o yajmënëjxët mä tabernakulo. Të tmaatstë tuˈugë witë tsujtiˈknëbë ets kyaj të tnigäjxtë. Jaanëmëts mijts ngunuˈxäˈändë koonëm xyajkutëgoyëdë tadë jäˈäy diˈib të myeetsy etsë tadë wit. Ta tˈanmääyë Joswee ko yajnidëˈxaambyë tadë axëkjäˈäy diˈib dëˈën të yˈadëˈëtsy.

Ta Joswee dyajnaymyujktääyë ja käjpn, ta netë Jyobaa dyajnigëxeˈky ko Akangë nety të myeetsy. Ta ja Akan jyënany: Tëts nbokytyuny. Pes yëˈëts nˈijx tuˈugë wit tsujtiˈknëbë, oorë etsë platë meeny. Mëkëts njantsy tsyojky, tats ojts nmënejxy. Mbäät nëjx xyjuuttë, tamëts të ndäjë mätsë nwitëjk.

Ta ko ojts yajjuuty ta ojts yajmënejxy mä Joswee, ta Joswee tˈanmääyë Akan: ¿Tiko axëëk të mˈadëˈëtsy? ¡Tyamë netë Jyobaa mdukumëdowäˈänyëty! Ta niˈamukë ja israelitëty tkukäˈtstë ja Akan mëdë fyamilyë axtë ko yˈoˈktë. ¿Këdii yëˈë tyäˈädë xytyukˈijxëm ko ninäˈä kyaˈoyëty ndoˈonëm diˈib kyaj njaˈäjtëm?

Ok, ko jatëgokë israelitëty ojts nyëjxtë tsiptuumbë mët ja käjpn diˈib xyëˈäjtypyë Ai. Ta Jyobaa pyudëjkëdë ets myadaktë mä ja tsip.