Pa̱a̱blʉ Jam Romʉ

OK IXË tadë kadenë diˈibë Pa̱a̱blʉ kyëxotsyˈajtypy, etsë tadë soldäädë diˈib kuentˈäjtëp. Pa̱a̱blʉ pujxndëgoty yam yˈity Romʉ. Yëˈë yˈawijxypy koonëmë yajkutujkpë kopk jyënäˈänët wiˈix yajtunët. Ko yˈijty pujxndëgoty ojts yajnaˈixy ets yajkuˈixët.

Tyëgëk xëëbë netyë Pa̱a̱blʉ jyaˈty Romʉ, ko tnigajxë ja judiyë wintsënëty diˈib tsënääytyëp Romʉ ets min kyuˈixëdë. Ko myiindë, ta ttukmëtmaytyakyë Jesús etsë Diosë yˈAnaˈam Kyutujkën. Nääk ta tmëbëjktë ets ojts tpanëjxtë Kristʉ, per tam diˈib kyaj tmëbëjktë.

Pa̱a̱blʉ ta nandëˈën tmëtmaytyaky ja soldäädëtëjk diˈib kuentˈäjtë. Nëˈën yam yˈijty majtsk jëmëjt pujxndëgoty ojts tmëtmaytyaˈaky oy tyim pënëty. Pääty axtë ja jäˈäyëty diˈib tsënääytyëp mä ja yajkutujkpë kopkë tyëjk, tmëdoodë ja “oybyë ää ayuk” diˈib mä Diosë yˈAnaˈam Kyutujkën, ets ta nääk ojts tpanëjxtë Kristʉ.

Per ok ixë tyäˈädë yetyëjk diˈib yam jaapy mä meesë, ¿mnijäˈäp pënëˈë? Yëˈë Timotee. Nan të nandëˈën yˈokˈijtpë pujxndëgoty mët ko tˈëwaˈxy tkäjxwaˈxy ja “oybyë ää ayuk”. Ets yëˈë jam të tniminyë Pa̱a̱blʉ ets tpudëkëyaˈany. ¿Mnijäˈäp ti jam kyujäˈäyëp? Min nˈokˈijxëm.

¿Mjamyejtsypy ja käjpn diˈib xyëˈäjtypy Filipʉs ets Éfesʉ diˈib yajnigäjx mä maytyaˈagyë 110? Pa̱a̱blʉ ojts jam dyajnaxkëdaˈagyë naymyujkën. Ets ko yˈijty pujxndëgoty ta tnijäˈäyë ja mëbëjkpëty. Ja noky diˈib jyaajy tap mä Biiblyë, ja txëˈaty Éfesʉ ets Filipʉs. Pa̱a̱blʉ yëˈë nyaskäjxë wiˈixë Timotee tjäˈäyëdë noky parë ja myëtnaymyaayëbëty diˈib mëbëjktëp jam Filipʉs.

Ja jäˈäyëty diˈib tsënääytyë Filipʉs oyjyaˈaytyaktë mëdë Pa̱a̱blʉ. Ojts tkajxëdë tijaty jap pujxndëgoty, ets päätyë Pa̱a̱blʉ mä ja nyoky tmooyë dioskujuyëm. Epafroditʉ yëˈë diˈib myëmiin ja mayˈaty. Per ta ojts pyäˈämbety ets jawaanë kyaˈoˈky. Per ko ojts yˈagëdaknë ta ojts jyëmbijnë mä kyäjpn. Ets yëˈë diˈib myënëjx ja noky.

Ok jap pujxndëgoty nandëˈënë Pa̱a̱blʉ tˈakjääjy majtskë noky diˈib yajpatp mä Biiblyë. ¿Mnijäˈäp ti tuˈuk txëˈaty? Kolosʉ, diˈib tyuknigajx ja mëbëjkpëty diˈib jam tsënääytyëp. Ja tuˈugë noky yëˈë tyuknigajxë myëtnaymyaayëbë Filemón diˈibë nety tsënaapy Kolosʉ. Ja noky yëˈë jap myaytyakypyë Onésimʉ tuˈugë Filemongë tyuumbë.

Onésimʉ yëˈë kyugakë Filemón ta jyajty Romʉ. Jam tnijäˈäjë ko Pa̱a̱blʉ tap yˈity pujxndëgoty. Ta ojts tkuˈixy, ets ta Pa̱a̱blʉ myëtmaytyakë. Ta netyë Onésimʉ tmëbejkyë Jesús. Ets ta mëk tjäˈäjë ko nety të tkugeˈegyë Filemón. Pääty, ¿mnijäˈäp wiˈixë Pa̱a̱blʉ tnijäˈäyë Filemón?

Ojts tˈanëëmë Filemón ko tam ttuknigexyë Onésimʉ ets ko waˈan tpojpëmeˈxy, yëˈko kyaj jeˈeyë tnekytyuumbëty nandëˈën tmëguˈukˈaty mët ko pyanëjxnëbë Kristʉ. Ta ko ja Onésimʉ jyëmbijty Kolosʉ, majtskë noky ojts tmënejxy, tuˈuk parë ja mëbëjkpëty, ets ja tuˈuk parë Filemón. ¡Ok pawinmay wiˈixë Filemón jantsy jotkujk nyayjäˈäjë ko tnijäˈäjë ko ja tyuumbë pyanëjxnëbë Kristʉ dëˈën extëm yëˈë!

Pa̱a̱blʉ ojts tˈawanë tijaty ja jäˈäyëty diˈib Filipʉs etsë Filemón. Ja jäˈäyëty diˈib Filipʉs tˈanmääjy: Tam nduknigaxtë Timotee. Per tim tsojkëts ëjts nandëˈën nëjxäˈäny. Etsë Filemón yëˈë yˈanmääjy: Jam ixtsë njäjtakn.

Ta ko Pa̱a̱blʉ yˈawäˈätspëtseemy, ta ojts tkuˈixyë myëguˈuktëjk kanäk käjpn. Per ok, ta jatëgok ojts yajtsumy jam Romʉ. Ta tnijäˈäjë ko jäˈäy yaˈoogäˈänyëty. Pääty tnijäˈäyë Timotee ets tsojk myinët. Ets tˈanmääjy: Xëmëtsë Dios të nmëduny ets kyajts të nmastuˈuty ets yëˈëts xymyoˈoyäämbë ngumäˈäyën. Waanë nety kujk ja tiempë nyaxy mä Pa̱a̱blʉ yˈooky, ko ja Romʉ jäˈäy dyajkutëgooytyë Jerusalén.

Perë Biiblyë tap tijaty tˈakmaytyaˈaky. Pesë Jyobaa ojts ttukjäˈäyë apostëlë Fwank wiingatypyë liibrë, tuˈuk diˈib jyaajy yëˈë Diˈibʉ Jatanʉp. Tadë liibrë yëˈë myaytyakypy ti miin këdakp. Min nˈokˈijxëm ti tunan jatanëp.