¿Tii mijts mbääd xytyuñ?

50 ¿Mtsojkypy mjukyˈatäˈäñ xëmë mä tuˈuk it paraˈisë tsujpë?

Akˈixyˈat tii Dios myaytyakypy. Tunë mëjää ets xykyäjpxët yëˈë Biiblyë (Fwank 17:3, Diˈibʉ Jatanʉp 1:3).

51 Xyjatäˈäñ niˈigyë mä Jesus (Deuteronomio 18:18, 19; Fwank 3:16; Apóstʉlʉty 3:19-23).

52 Tunë mëjää ets xytyunëdë oyˈäjtën ets mëmëdowë Jyobaa (Romʉ 6:17, 18, 22).

53 Jamyats, Jyobaa xyˈanmäˈäyëm ko kyaj ttsoky ñajäˈäyˈoˈkëm (Éxodo 20:13; 1 Fwank 3:11, 12).

54 Kyaj mbääd tijatyë jäˈäy jyaˈa mbëjkëm (Éxodo 20:15; Ɛfɛsʉ 4:28).

55 Ni tuˈugë yetyëjk mbääd kyaˈity kyatsëënë mët tuˈugë toxytyëjk diˈib kyaj tnëdoˈoxyëty (Éxodo 20:14, 17; 1 Tɛsalónikʉ 4:3).

56 ¿Mjamyejchpy näägë Dios ttsoky ets tuˈugë yetyëjk tmëdatëdë ñëdoˈoxy? ¿Nëˈën mbääd chëënë tuˈugë yetyëjk mëdë ñëdoˈoxy? (Génesis 2:22, 24; Matewʉ 19:5, 6; 1 Korintʉ 7:2, 10, 11).

57 Naydëˈën, jamyats, ko Jyobaa yëˈë dëˈën tuˈuk nˈawdäjtëm o nˈodäjtëm (Matewʉ 4:10; 1 Korintʉ 8:6).

58 Santëty, tsäämëxanëty ets awënaxëty kyaj mbääd mbudëkëty. ¿Tiko? (1 Korintʉ 8:4.)

¿Oy yëˈë santëty, tsäämëxanëty ets awënaxëty nmëdäjtëm? (Deuteronomio 27:15; 1 Fwank 5:21.)

59 ¿Tiko yˈaxëëgëty ko ñäjktuˈunëm diˈibë jäˈäy myëbëjktëp ko tmëdatyë mëkˈäjtën diˈib mä brujëty? (Deuteronomio 18:10-13; Diˈibʉ Jatanʉp 21:8.)

60 Ja anklësëtyë axëëkpë o kaˈoybyëty, ojts tmëtsipëktë ja Dios. Dyajktundë jäˈäyë xëmaabyë ets twinˈëëndë jäˈäy (Apóstʉlʉty 16:16).

61 Nˈok mënuˈkxtakëmë Dios. Nukxtakën yëˈë ko nmaytyakëm mëdë Dios, nˈanmäˈäyëm ko nmëdunäˈänëm, ets nˈamdoˈojëmë naybyudëkë (Filipʉ 4:6, 7).

62 Nˈok nmëmëdoˈojëm ja Jesus, ets mbëjtakëmë mëbëjkën mëdë jot korasoon (Ɛbreʉźʉty 5:9; Fwank 3:16).

63 Jamyats ko yëˈë ojts yˈooky ets yajknëtsoˈogäˈäñ (Romʉ 5:8).

64 Jamyats ko Jesus yëˈë nReyˈäjtëm diˈib kyaj kyëxeˈeky. Yëˈë nmëmëdoˈojëm (Filipʉ 2:9-11; Diˈibʉ Jatanʉp 19:16).

65 Jesus ojts jyënaˈañ ko mijts xymyaytyäˈägët ja oybyë ää ayuk diˈib mjäjtypy ets pënë Dios myëdunandëp nëbatëp (Matewʉ 28:19, 20; Fwank 4:7-15).

66 Pääty mbääd xymyëtmaytyaˈaky ja mëtnaymyaayëbëty ets tnijawët ja oyˈäjtën (Matewʉ 10:32).

67 Ko oy xyjatët mnokyäjpxët, may tijaty xyjatäˈäñ ets mbääd xypyudëkëdë wiing jäˈäyëty (2 Timoté 2:15).

68 Jesus ojts ttukniˈixë ja mutskˈënäˈkëty ets tmëmëdowdët ja Dios. Kyaj ojts ñayˈamäˈtˈatyëty ets tmëgäjpx tmëmaytyäˈägët (Matewʉ 19:13-15).

69 Yëˈë uˈung teety xëmë ttuknëˈixët ja yˈuˈungëty ets tmëmëdoowdët ja Dios ets ttsoktët (Deuteronomio 6:6, 7; Proverbios 6:20-22; Ɛfɛsʉ 6:4).

70 Jaˈäjtëp mayë relijyongëty. May yëˈë tyukniˈijxën kyaj miñ mä Biiblyë. Jyobaa xyˈanmäˈäyëm ko mbëtsëˈëmëm mä relijyongëty diˈib kyaj tyukniˈixë tëyˈäjtën (Diˈibʉ Jatanʉp 18:4; Fwank 4:23, 24).

71 Jyobaa myëdäjtyëpy jyaˈay yä naxwiiñ diˈib niˈigyë mdukniˈixëdëp. ¿Mnijäˈäp pënatyëty? (Apóstʉlʉty 15:14; Romʉ 10:14, 15.)

72 Tadë jäˈäyëty yëˈë dëˈënë testiigëty mä Jyobaa. Yëˈë myëdäjtëbë tuˈugyëˈäjtën mä jyukyˈäjtën. ¿Mnijäˈäp tiko? Jaˈko ñaychokëdë nëxim nëyam (Isaías 43:10-12; Fwank 13:34, 35).

73 Yëˈë naydëˈën ttsoktë Jyobaa, pääty ñëbattë. Naydëˈën yëˈë tyuundëp ets ja jäˈäy yˈixëdët ko të jyodëmbittë mä axëkˈäjtën diˈibë nety tyuundëp ets cham myëdunandëbë Dios mäbääd jyukyˈattë (Apóstʉlʉty 2:41).

74 Yëˈë testiigëty mä Jyobaa jyëjpˈijxtëp jyukyˈatäˈändë mä ja tsujpë paraˈisë jembyë (Salmo 37:9-11, 29).

¿Tii mbääd xytyuñ ets mëëd mjukyˈattët jam? (Santya̱ˈa̱gʉ 1:22, 25; 2:20-26.)

75 Mijts xyjatäˈäñ xymyëdunëdë Jyobaa mët yëˈëjëty. Yëˈë chojktëp ets myëmëdoodëp ja Jyobaa mët ja Kristë Jesus. ¿Naydëˈën mtsojkypy yëˈëjëty? ¿Mtsojkypy mijts xypyudëkëyaˈañë wiing jäˈäy ets tˈixyˈatë1dë Dios? (Fwank 6:45-47.)

76 Jyobaa etsë Kristë Jesus mtsojkëp, ets chojktëp mjukyˈattët xëmë mä paraˈisë tsujpë (Fwank 3:16).

Cham mtsojkypyë net mjukyˈatäˈäñ xëmë yä naxwiiñ ko të xynijawë wiˈix tmëdatyë wimbëtsëˈëmën tadë ijxpajtën ets tadë ää ayuk mä chäˈädë foyetë. Pën mijts mˈak nijawëyaampy kajaˈit, ngäjxwijpy ets mëgäjpx tuˈugë testiigë mä Jyobaa diˈib mä mnax mgäjpn diˈib wingon tsënaapy. O jäˈäy tuˈugë noky mä të kyojyë chäˈädë foyetë, o pën kyaj xyjaty mjäˈäyët, anëëmë wiing jäˈäy ets tjäˈäyët mijts kyëjxm, kax mä niˈigyë wingon yˈityë chäˈädë direksiong diˈib mä myëmajtsk ääybyë mä chäˈädë foyetë.