Jesus jyukypyeky

TYËGËK xëëbë natyë Jesus yˈooky, ko niganäägë toxytyëjk diˈibë naty yˈëxpëjkpëˈäjtypy ojts nyëjxtë mä ja jut ets awäˈäts tpattë. Të naty jyëgeˈeky ja tsää diˈib ja jut yajtukˈagëëy ets tukwäˈäts tpattë.

Ta jap tkuˈijxëdë majtskë anklës, ets niduˈuk yˈanmääyë: “Mˈëxtääytyëp ja Jesus nasarenë. Pes të jyikypyeky” (Markʉs 16:6). Ta netyë ja toxytyëjkëty tsyoˈondë pëyeˈegyë parë nëjx tˈawanëyäˈändë ja apostëlëty. Ta tuˈääy tpattë Jesus, ets yˈanmääyëdë: “Katë mtsëˈëgëdë. Nëjx anëëmëdë nmëguˈuktëjkëts ko jap nyëjxtët Galileeë, es japëts xypyäättët” (Matewʉ 28:10).

Ok, ta nimajtskë Jesusë yˈëxpëjkpëty tsyoˈondë Jerusalen ets nyëjxtë Emaus, ko tuˈugë yetyëjk ojts pyuyoˈoyëdë ets yajtëëjëdë ti naty myaytyaktëp. Tyäˈädë yetyëjk yëˈë natyë Jesus, jeˈeyë ko kyaj tsojk tˈëxkäjptë. Ta jotmaymyëët yˈatsoodë ko yëˈë naty nyimaytyaktëp ja Myaˈestrë. Ta tyäˈädë yetyëjk tyukmëtmaytyaktääyë wiˈixë naty ja Mesias të yajnimaytyaˈaky mä Diosë Jyaaybyajtën ets ko të naty tukëˈëyë dyaˈˈadëëdäˈäy tijaty yajnaskäjxë.a Ta ko ja yˈëxpëjkpëty tpëjktë kuentë ko yëˈë naty jam mëdë Jesus myaytyäˈäktë diˈib të jyukypyeky extëmë anklës, ta duˈunyë tyëgooy.

Ta ja nimajtskpë yˈëxpëjkpë jyëmbijttë Jerusalen ets tˈawanëyäˈändë ja apostëlëty diˈibë naty të tyuˈukmuktë mä tuˈugë tëjk. Tamë naty tmaytyäˈäktë ti të tyuny të jyatyëty, ko ajotkumonë jatëgokë Jesus kyëxeˈky ets duˈunyë niˈamukë wyëˈëmëtyaaytyë. Ta yˈanmääyëdë: “¿Tiko kyaj xymyëbëktë ko ëjtsë dëˈën?”. Ta yˈakˈanmääyëdë: “Dëˈën yˈity këxjäˈäy ko koonëm yëˈë Kristë yˈoogët, es kumdëgëk xëë jyikypyëkët” (Lukʉs 24:38, 46).

Ja nyajxy 40 xyëë etsë Jesus kanäkˈok nyaytyukˈijxë yˈëxpëjkpëty. Tëgok ja mëgoxk mëgoˈpx naxyë jäˈäy yˈijxëdë, ets waˈan jaa ttuknipëjktë tyäˈädë tuungë jëjpˈambë: “Nëjx yaˈëxpëktë jäˈäyëty mä tëgekyë naxwinyëdë esëts ëj njäˈäyˈattët. [...] Tukniˈˈixëdë es tkuytyunët tëgekyë diˈibëts ëj miits të ndukˈanaˈamdë, es mnijawëdëp ko dëˈënyëmts ëj nˈity mët miitsëty axtë ko jyäˈtët ja tiempë” (Matewʉ 28:19, 20).

Ko Jesus ok yˈaknaybyatë mët nimäjktuˈugë yˈapostëlë, ta tˈanmääytyë: “Ko ja espiritë santë mniminëdët, moˈoyëdëp miitsëty ja mëkˈäjtën” ets xynyimaytyäˈäktëdëts mä “tëgekyë naxwinyëdë” (Apostʉlʉty 1:8). Ta ja Jesus ojts pyatëjkënë tsäjpotm ta myiinyë yoots diˈib yajnitujkë ets kyaj pën nyekyˈijxë.

(Jap yajnimaytyaˈaky mä Matewʉ kapitulo 28, Markʉs kapitulo 16, Lukʉs kapitulo 24, Fwank kapitulo 20 ets 21, ets mä 1 Korintʉ 15:5, 6.)