¿Tiko Jesus yˈoˈky?

Jesus ojts xykyuˈoˈkëm parë njukyˈäjtëm winë xëë (Fwank 3:16)

Tëgëk xëë nety të nyaxy mä Jesus yˈoˈky, ko myiindë näägë toxytyëjk mä jut, per tukwäˈäts tpattë. Të netyë Jyobaa dyajjukypyekyë Jesus.

Ok, ta Jesus nyaytyukˈijxë ja yˈapostëlëtëjk.

Jyobaa të netyë Jesus dyajjukypyeky extëm tuˈugë anklësë kumëjääbë ets ninäˈä kyanekyˈoogäˈäny. Ja yˈapostëlëtëjk ojts yˈixëdë ko ojts jyëmbijnë tsäjpotm.

Dios ojts dyajjukypyekyë Jesus ets të tpëjtaˈaky rey mä yˈAnaˈamën (Diˈibʉ Jatanʉp [Apocalipsis] 11:15)

Jesus yäjkë jyukyˈäjtënë parë tjuuybyëtseemyë naxwinyëdë jäˈäy (Matewʉ 20:28). Ets mët ko të xyjuˈuybyëtsëˈëmëm, ta mbäädë Dios xymyoˈoyëmë jukyˈäjtënë winë xëë.

Jyobaa yëˈë të twinˈixyë Jesus parë yˈanaˈamët yä Naxwiiny. Ja mëët yˈanaˈamäˈänyë jäˈäy 144,000 diˈib jukypyëjktëp tsäjpotm ko yˈooktë. Ets yˈanaˈamäˈändë tëyˈäjtën mëët mä ja Diosë yˈAnaˈam Kyutujkën (Diˈibʉ Jatanʉp [Apocalipsis] 14:1-3).

Diosë yˈAnaˈamën yëˈë yajjëmbitaambyë Naxwinyëdë extëm tuˈugë lugäärë tsujpë. Kyaj yˈokjaˈˈatanë ayoobë jäˈäy, tsip, yuu etsë axëkjäˈäy. Jantsy agujk jotkujkë jäˈäy jyukyˈatanëdë (Salmo 145:16).