¿Ti ëxpëjkën yʼaxäjëdëbë prekursoorëty?

Nuʼun kujkë tiempë nyaxy, yëʼë yajtukʼëxkäjpë Jyobaa tyestiigëty ko jyaʼʼatyë ëxpëjkën mä Diosë kyäjpn. Ets ta tuʼugë ëxpëjkën diʼib yʼaxäjëdëp pënaty kajaa xyëë tiempë yajtuundëp mä Diosë tyuunk ets yëʼë pudëjkëdëp parë yajxon tyundët (2 Timotee 4:5).

Eskuelë parë prekursoor. Ko tuʼugë prekursoor regulaar dyaʼʼabety tuk jëmëjt, ta yajwoy mä tyäʼädë eskuelë parë nëjkx yʼëxpëky tëdujk xëë, jap tyunyëty mä yʼëxpëktë Jyobaa tyestiigëty. ¿Tiko duʼun yajtuny? Yëʼë parë prekursoorëty tmëwingondëdë Jyobaa ets ttundët oytyim diʼibëtyë Diosë tyuunk mas oy, ets yajmëjämoʼoytyë parë tyuunʼadëʼëtstët.

Eskuelë parë pënaty kyäjpxwäʼkxtëbë Diosë Kyutujkën. Tyäʼädë eskuelë ja jyeky majtsk poʼo parë yʼëxpëktëdë prekursoor diʼib myastuʼudandëbë jyëën tyëjk ets nyëjkxäʼändë käjpxwäʼkxpë mä tyëgoyʼatyë naybyudëkë. Yëʼëjëty duʼun jyënäʼändë: “¡Tyamëts ëjts! ¡Kajxkëts!”. Ets duʼun tpanëjkxëdë yʼijxpajtënë Jesukristë diʼib ojts kyäjpxwaʼkxy extëm nipënnëm duʼun tkatuny yä naxwiiny (Isaías 6:8; Fwank 7:29). Ko tmastuʼuttë jyëën tyëjk ets nyëjkxtë jagam, tsojkëp näʼäty tʼijxwëʼëmdët ets adëyë jyukyʼäjtënë dyajnëjkxtët. Nan tsojkëp tʼijxwëʼëmdët ja kostumbrë, käʼäy ukën ets wiʼix yʼixëty ja tiempë, pes mbäät tyëgatsyëty mä tsyoondë. Axtë tsojkëp tjattëdë wiinkpë ayuk. Tyäʼädë eskuelë, yëʼë tukniʼʼijxëdëp wiʼix tmëdattëdë oybyë jäʼäyʼäjtën ets wiʼix mas oy tijaty ttundët ets duʼun mas niʼigyë Jyobaa yajtunëdët etsë kyäjpn. Mä tyäʼädë eskuelë mbäät nyëjkxtë yaʼayʼënäʼk, toʼoxyʼënäʼk etsë kasäädë jäʼäy diʼibë jyëmëjt 23 axtë 65.

Eskuelë diʼib Galaad. Mä ayuk ebreo, “Galaad”, yëʼë yʼandijpy ko ngäjpxwäʼkxëm. Desde mä jëmëjt 1943, ja kujk tuktujk mil naxy yʼëxpëktë ets të yajkaxtë extëmë misioneerë parë nyëjkxtë käjpxwäʼkxpë “mä nidëgekyë naxwinyëdë jäʼäyëty”. Tyäʼädë mëjwiin kajaa yʼoybyëtsëmy (Apostʉlʉty 13:47). Ko tim jawyiin yajkajxtë misioneerë jap Perú, kyaj nety nituʼugë naymyujkën, per tyam, tap tuk mil naxy. Ets ko misioneerë jyäjttë Japón, ja nety jyapëty naa nimäjkënë Testiigë, per tyam, ja jyapʼaty naxy 200 mil. Tyäʼädë eskuelë diʼib Galaad, ja jyeky mëgoxk poʼo mä tʼëxpëktë Diosë yʼAyuk këkpäät. Yëʼë yajwoodëp pënaty tuundëp prekursoor espesial, misioneerë, diʼib tuundëp Betel o sirkuitë. Duʼunë Diosë tyuunk myëjwindëkë ets kyopkpëky abëtsemy nyaxwinyëdë.

• ¿Tiko jyaʼʼatyë Eskuelë parë prekursoor?

• ¿Pënaty mbäät nyëjkxtë mä Eskuelë parë pënaty kyäjpxwäʼkxtëp Diosë Kyutujkën?