Timoteo pyudëkëyanë jäˈäy

Tuˈugë mixy diˈib xëˈäjt Timoteo jantsy jotkujk nyayjäˈäwë ko tpudëjkë jäˈäy. Ojts nyijkxy mä kanäägë it lugäär parë tpudëjkë jäˈäy. Ko duˈun ttuuny, ta jantsy jotkujkë jyukyˈäjtën dyajnäjxy. ¿Mˈaknijawëyaampy wiˈix yajnimaytyaˈaky?...

Timoteo jam yeˈky pyejty mä tuˈugë käjpn diˈib xëˈäjt Listra. Ja tyääk txëˈäjty Eunice ets ja nyanwelë Loida, tim mutsknëm tyukniˈˈijxëdë pënën Jyobaa. Päätyë Timoteo, desde mutsk ttukniˈˈixëyanyë jäˈäy pënën Jyobaa.

Ko Timoteo yaˈkˈabejty, ta Pablo yˈanmääyë: Ëwäˈkx käjpxwäˈkxpëts nëjkxäˈäny wiink it wiink lugäär, ¿oy njoˈomëm? Ta Timoteo jyantsy xyondaky ets jyënany: Joˈomdë. Yëˈë pyudëkëyaambyë netyë jäˈäy.

Timoteo ta tyuˈudëjkë mëdë Pablo ets ojts nyëjkxtë Macedonia mä tuˈugë käjpn diˈib xyëˈäjtypy Tesalónica. Kajaa ojts jyantsy tyuˈuyoˈoytyë ets ok, ta ttuktëjkëdë barkë. Ko jam jyäjttë, ta tpudëjkëdë nimayë jäˈäy parë tˈixyˈattëdë Jyobaa. Per ta näägë jäˈäy jyotˈambëjktë ets axëëk jyatunanëdë. Pablo mëdë Timoteo, ta tsyoˈondë jam ets ojts nyëjkxtë käjpxwäˈkxpë wiink lugäär.

Ko nyajxy kanäk poˈo, ta Pablo tˈanmääyë Timoteo ets jyëmbitët Tesalónica parë nëjkx tˈixy wiˈix jam yajpäättë ja Dios mëduumbëty. Per jam Tesalónica axëëgë nety yajtundë ja Dios mëduumbëty, pääty tsojkëbë netyë Timoteo yˈitët jotmëk parë jatëgok jam jyëmbitët. ¿Ti tyuun? Ojts nyijkxy mët ko myëmääy myëdajpyë nety ja Dios mëduumbëty. Ets ko jyëmbijty, ta ttukmëtmaytyakyë Pablo wiˈixë nety jam yajpäättë. ¡Jantsy oyë nety jam tyundë!

Timoteo kanäk jëmëjt tyuuny mëdë Pablo. Pääty tëgok duˈunë Pablo nyimaytyakë: Nipën duˈun extëmë Timoteo, päätyëts yëˈë ngexy parë tpudëkëdë nmëguˈukˈäjtëm mët ko tsyejpyë Jyobaa etsë jäˈäy.

Ets mijts, ¿mtsejpy nanduˈunë jäˈäy ets mbudëkëyaampy parë tˈixyˈatëdë Jyobaa?... Pën duˈun, ¡nëjkxëp agujk jotkujkë mjukyˈäjtënë xyajnaxy extëmë Timoteo!