Ja potsy diˈib Babel

Ko nyajxy ja Ayoˈonduu, ja yˈuˈunk yˈënäˈkë Noé, ta tpattë mayë yˈuˈunk yˈënäˈk. Ojts myëj myayë ja fyamilyë ets ojts nyëjkxtë tsënaabyë kanäkˈit kanäk lugäär, duˈun extëmë netyë Jyobaa të yˈanëˈëmxëdë.

Per näägë familyë kyaj tmëmëdoowdë Jyobaa. Ta jyënandë: “Nˈokwëˈëmëm yä ets nˈokˈyajnaxkëdakëm tuˈugë käjpn ets nˈokˈyajpëdëˈkëm tuˈugë potsy diˈib jäˈtëp tsäjwinm. Ets oypyënëty mëj xyyajnäjxëm”.

Jyobaa kyaj tˈoyˈijxy ti ja jäˈäy tyuundë, pääty ojts dyajtuˈuwëˈëmë ja tuunk. ¿Mnijäˈäwëp ti tyuun? Ajotkumonë ojts dyajkäjpxëˈëktë kanäk ayuk. Tyäˈädë käjpn ja ojts yajxëëwmoˈoy Babel, diˈib yˈandijpy ko jäˈäyë jyot wyinmäˈäny jyoˈoptë. Ets kom kyaj nyekynyayjaygyujkëdë, ta ja potsy ojts tyuˈuwëˈëmë ets ta jam ojts tsyoˈonëdë parë ojts nyëjkxnëdë wiinktsoo. Per duˈunyëm axëëk jyukyˈäjttë mä ojts nyëjkxtë. Wiˈix mˈokwinmay, ¿jamdaa pën diˈib yˈakmëduunë Jyobaa? Yëˈë nˈixäˈänëm mä jatuˈukpë kapitulo.