Mëjˈixy njäˈäwëm tijatyë Dios të ttuny

1. Wäˈäts xyˈixy tijatyëts nduumpy Jyobaa Dios,

mˈijxypy kots nmanaxy ets kots nanduˈun njotwijy.

Jyobaa mˈixyˈajtypy yajxon ja njot nwinmäˈänyëts,

ets wiˈixëts ngajpxy nmaytyaˈaky,

nanduˈun wiˈixëts nˈyoˈoy naxy.

Nan mˈijx kots nˈijty jap ndääk jodoty yuˈutsy,

mˈijxëts ja nwääy nbäjk diˈibë nety ijtp yuˈutsy.

Kots ngojtsondaky, ta mä mliibrë xykyujäˈäyë,

mëjˈixyëts njawë tijaty mijts

të xytyuny Jyobaa.

Mijts diˈib mmëdäjtypy mëjwiin kajaa wijyˈäjtën,

ets jantsy mëjˈixyëts njawë tijaty mduumpy.

Kyajts ntsëˈëgëyaˈany ja it lugäär diˈib jantsy koots,

pes mijts xypyudëjkëp ets nan kyajts xymyastuˈuty.

Kyaj mbäät mijts nwinguyuˈutsy Jyobaa Dios,

kyaj mbäät ngugeˈeky seguurëts ko xypyäädäˈäny.

Oyxyëbëts mä njatimnëjkxpë xyˈixäämbëts,

pes nimätsoo mbäät ngakugeˈeky

Dios Teety Jyobaa.