Min ets myajjotkujkmoˈoyët

1. Nimay tyamë jäˈäy kyaj tˈixyˈattë Jyobaa,

ets pääty kyaj jyukyˈattë jotkujk.

Ëtsäjtëm yëˈë xëmë xytyuˈumoˈoyëmë Dios,

pääty ndukˈoybyëtsëˈëmëm tijaty.

Ets niˈigyë mëbëjkën kyëktëkë mä Dios

ko nmiˈinëm mä ja reunyonk.

Yä mä nyajpudëjkëm ets nduˈunëm diˈib oy,

ets niˈigyë nmëduˈunëmë Dios.

Yëˈë xëmë ndunäˈänëm diˈib tsyojkypyë Jyobaa,

ets kyaj nmastuˈudäˈänëm ninäˈä.

Ko xëmë nduˈukmujkëm, ta nduˈunëm diˈib oy

ets duˈun niˈigyë ntsojkëmë Dios.

2. Oy ko nmëdoowˈijtëm ja Diosë yˈAyuk

ko nmiˈinëm mä ja reunyonk.

Nˈokjuˈtëmë tiempë tuˈuk tuˈugë sëmään

ets kyaj ndëgoyˈäjtëm nituˈuk.

Ets ta mëjjäˈäytyëjk diˈib xypyudëjkëm nanduˈun,

ets diˈib tyam xykyuentˈäjtëm oy tsuj.

Ets yëˈë nmëguˈukˈäjtëm xypyudëjkëm ko näˈäty

nnayjyäˈäwëm naytyuˈuk o mon tuk.

Pën xëmë nduˈukmujkëm, ta nëjkx winë xëëw

njukyˈäjtëm mä tsujpë lugäär.

Pääty oy ko ninäˈä ngawinmäˈäyëm ko kyaj

nminäˈänëm mä ja reunyonk.