ËY 108
Tsojkpë Dios
(Isaías 55:1-3)
1. Dios Jyobaa xytsyojkëm mëk,
oy jyaˈayˈaty ets nan paˈˈayoop.
Pes ojts tkexyë yˈUˈunk yä Naxwiiny,
ets tkuˈoogët ja poky kaytyey,
parë nˈijtëm agujk jotkujk
mä jukyˈäjtën diˈib winë xëëw.
(DIˈIB YAˈËËWËMBIJTP)
Miitsëty pënaty tëtsëdëp
uuktë tyam ja nëë diˈib yajkypy
ja jukyˈäjtën winë xëëw,
ets ixtë ko Dios tsojkp.
2. Dios Jyobaa xytsyojkëm mëk,
mbäät yaˈixy mä ja kyojy pyëjtaˈaky.
Të dyaˈixyëty nanduˈun ko tsojkp
ko Jesus të tyuundëkë Rey.
Ets tijatyë Dios të twandaˈaky
nan seguurë ko yˈadëwäˈäny.
(DIˈIB YAˈËËWËMBIJTP)
Miitsëty pënaty tëtsëdëp
uuktë tyam ja nëë diˈib yajkypy
ja jukyˈäjtën winë xëëw,
ets ixtë ko Dios tsojkp.
3. Dios Jyobaa xytsyojkëm mëk,
pääty ëtsäjtëm ntsojkëmë jäˈäy,
ko ninëjkxëm mä ja jyëën tyëjk
ets nˈawäˈänëm ti Dios tyunaampy.
Duˈun jyukyˈattët agujk jotkujk
mä ja oybyë lugäär yˈitäˈäny.
(DIˈIB YAˈËËWËMBIJTP)
Miitsëty pënaty tëtsëdëp
uuktë tyam ja nëë diˈib yajkypy
ja jukyˈäjtën winë xëëw,
ets ixtë ko Dios tsojkp.
(Käjpx nanduˈunë Sal. 33:5; 57:10; Éfes. 1:7).