“Jotkujk yajpäättë diˈib paˈˈayoowdëp”

1. Jyobaa Dios yëˈë diˈib mas oyjyaˈay,

ets paˈˈayoop mëjwiin kajaa.

Xytyukˈijxëm ko xyjantsy tsyojkëm mëk,

pes yëˈë xytyuˈumoˈoyëm mä nyëˈë tyuˈu.

Ets pën ja näˈä ngëdäˈäwëm muum,

yëˈë mbäät xywyijtsëˈkëm jatëgok.

Pes paˈˈayoop ets jantsy oyjyaˈay,

nyijäˈäp ko ja tëgoˈoyën yˈity.

2. Pën të nbokytyuˈunëm mbäädë Dios

tninaxy jantsy këjxm ja poky kaytyey.

Jesus nyigäjpx wiˈix mbäädë Dios

nˈanmäˈäyëm ko ndëgoˈoyëm muum:

“Pokymyaˈkxkëts tëts nanduˈun nbokymyeˈkxy

pënatyëts jam muum wiˈix të xytyuny”.

Duˈun nˈijtëm jantsy agujk jotkujk,

pën kyaj nmëdäjtëm ja jëën tsip.

3. Kyaj mbäät nmaytyäägëdijtëm ko

jam wiˈix nbudëjkëm tuˈugë jäˈäy.

Kyaj nˈoyjyaˈaytyakëm mëdë jäˈäy,

mët ko nnayajnaxäˈänëm mëj.

Jyobaa yëˈë pyejkypyë kuentë ko

ti nduˈunëm ets yajjëmbitaampy.

Jotkujk ja diˈib jantsy paˈˈayoop,

ets oy kyëxëˈëktë Dios windum.