¿Wiˈix mbäät ngäjpx nmaytyakëm parë Jyobaa jotkujk nyayjyawëdët?

Ko Jyobaa ojts dyajkojˈyë naxwinyëdë jäˈäy, myooy ja madakën parë kyäjpx myaytyäˈägët. ¿Kyuentëpëjktakypyëdaa Jyobaa wiˈix ngäjpx nmaytyakëm? ¡Tiko këdii! (Käjpxë Santya̱ˈa̱gʉ 1:26). Min nˈokˈijxëm wiˈix mbäät ngäjpx nmaytyakëm parë Jyobaa jotkujk nyayjyawëdët.

1. ¿Wiˈix mbäät ngäjpx nmaytyakëm?

Biiblyë xyˈanmäˈäyëm: ‘Nayjyotmëkwingäjpxëdë ets nayjyotmëkmoˈojëdë nixim niyam’ (1 Tesalonicenses 5:11, TY). ¿Jaa pën xynyijawë yajmëjääwmoˈoyaˈany? ¿Mbäät mijts xypyudëkë parë kyujkët ja yˈääw jyot? Anëëmë ko mmëmääy mmëdajpy ets ko mëjwiin kajaa xyajtsobääty. ¿Mjamyejtsypy tuˈugë tekstë mëdiˈibë mbäät xytyukpudëkë? Taa kanääk mëdiˈibë mbäät xytyukwingugäjpxë. Jamyats nanduˈun ko extëm xymyëˈˈëy xymyëgajpxy mbäät mëjwiin kajaa pyudëkëty. Pääty, mmëgäjpx tsuj yajxon ets yuunk naxypy (Proverbios 15:1).

2. ¿Mëdiˈibë ääw ayuk kyaj yˈoyëty nyajpëtsëˈëmëm?

Biiblyë jyënaˈany: “Kyaj xyajpëtsëmët mä mwiin mˈääw yëˈë ääw ayuk mëdiˈibë tsäätsy mäˈät” (käjpxë Efesios 4:29, TNM). Yäˈädë yëˈë yˈandijpy ko kyaj yˈoyëty nyajpëtsëˈëmëmë axëëkpë ääw ayuk ets nwinˈëbajt nwingäjpxpajtëm parë pën axëëk nyajnayjyäˈäwëm. Kyaj nanduˈun nyajkajpxyyeˈeyëm ets kyaj pën niwäämbajtëm (käjpxë Proverbios 16:28).

3. ¿Wiˈix mbäät ngäjpx nmaytyakëm parë tpudëkëdë wiinkpë?

Tijaty ngäjpx nmaytyakëm ja nyajnigëxëˈkëm ti nwinmäˈäyëm ets wiˈix nnayjyäˈäwëm (Lukʉs 6:45). Pääty, oy ko yëˈëyë nwinmäˈäyëm mëdiˈibë oy, mëdiˈibë tëyˈäjtën, mëdiˈibë nitëjkëp ja mayˈäjt wintsëˈkën, mëdiˈibë wäˈäts, mëdiˈibë oybyëtsëëmp ets mëdiˈibë yaˈoynyigäjpxp (Filipʉs 4:8). Parë duˈun nduˈunëm, tsojkëp yajxon nwinˈijxëm pënaty mëët nnaymyaˈayëm, tijaty nmëdoowˈijtëm ets ja ixy jawë mëdiˈibë nˈijxëm (Proverbios 13:20). Oy ko nanduˈun jawyiin nwinmäˈäyëm mä kyajnëm nyajpëtsëˈëmëm ja ääw ayuk ets wiˈix dyajnayjyawëyaˈanyëty ja wiinkpë. Biiblyë jyënaˈany: “Ääw ayuk mëdiˈibë kyaj yajniwinmayë duˈun kyumy extëmë espäädë, per ja yˈääw yˈayukë jäˈäy mëdiˈibë wijy, yajtsoybyajtp” (Proverbios 12:18).

AK NIJAWË NIˈIGYË

4. Kuentëˈat ja mˈääw mˈayuk mëdiˈibë myajpëtsëëmpy

Niˈamukë nyajpëtsëˈëmëmë ääw ayuk mëdiˈibë ok nmëkjäˈäwëm (Santya̱ˈa̱gʉ 3:2). Käjpxtë Gálatas 5:22, 23, TNM ets nimaytyäˈäktë mëdiˈibë yä yajtëëpy:

• Extëm jyënaˈanyë yäˈädë tekstë, ¿ti mˈamdowëbë Jyobaa parë xykyuentëˈatëdë mˈääw mˈayuk? ¿Ets wiˈix mbudëkëyaˈanyëty ko duˈun mjäˈäyˈatët?

Käjpxtë 1 Korintʉ 15:33 ets nimaytyäˈäktë mëdiˈibë yä yajtëëpy:

• ¿Mbäädëdaa mninaxyëty extëm kyäjpx myaytyäˈäktë ja mëtnaymyaayëbëty o tijaty mˈijxypy ets mmëdoowˈijtypy? ¿Wiˈix mbäät mninaxyëty?

Käjpxtë Eclesiastés 3:1, 7 ets nimaytyäˈäktë mëdiˈibë yä yajtëëpy:

• ¿Näˈä mbäät mwëˈëmy amonyë o mmaˈkxtukët waanë taanëm mgäjpxët?

5. Nimaytyäˈäk oy ja wiink jäˈäy

BIDEO: Nˈokkäjpx nˈokmaytyakëm extëmë wiinkpë pyudëkëdët (4:07)

• ¿Tiko wyinmääyë yäˈädë nmëguˈukˈäjtëm ko kyaj tnekynyimaytyäˈägäˈäny ja myëguˈuktëjk extëmë nety tnimaytyaky?

• ¿Ets ti ojts ttuny?

Käjpxtë Eclesiastés 7:16 ets nimaytyäˈäktë mëdiˈibë yä yajtëëpy:

• ¿Ti tsojkëp njamyajtsëm ko pën tëgatsy nimaytyäˈägäˈänëm?

Käjpxtë Eclesiastés 7:21, 22 ets nimaytyäˈäktë mëdiˈibë yä yajtëëpy:

• Ko pën tëgatsy mnimaytyäˈägëdët, ¿mbäädë yäˈädë tekstë mbudëkëty parë xykyuentëˈatëdë mˈääw mˈayuk? ¿Ets tiko?

6. Nnaymyëˈˈëw nnaymyëgäjpxëdë tsuj yajxon mët ja mfamilyë

BIDEO: Ko jyaˈˈatyë tsojkën etsë wingutsëˈkën yëˈë yajtuˈugyëbë familyë (3:08)

• ¿Ti mbudëkëyanëp parë tsuj yajxon xymyëˈˈëw xymyëgäjpxët ja mfamilyë?

Käjpxtë Éfesʉ 4:31, 32 ets nimaytyäˈäktë mëdiˈibë yä yajtëëpy:

• ¿Wiˈix mbäät nnaymyëˈˈëˈëw nnaymyëgäjpxëm parë jotkujk nˈijtëm tuk familyë?

Jyobaa nyigäjpx wiˈixë nety tjawë ja yˈUˈunk. Käjpxtë Matewʉ 17:5 ets nimaytyäˈäktë mëdiˈibë yä yajtëëpy:

• ¿Wiˈix mbäät xypyanëjkxë Jyobaa yˈijxpajtën ko xymyëˈˈëw xymyëgäjpxët ja mfamilyë?

TI TË NJÄJTËM

Nˈääwˈäjt nˈayukˈäjtëm mbäät tuˈugë jäˈäy tpudëkë o mbäät axëëk dyajnayjyawëty. Pääty, tsojkëp jawyiin nwinmäˈäyëm ti nmaytyäˈägäˈänëm, wiˈix nyajpëtsëmäˈänëm ja ääw ayuk ets näˈä.

Ajamyatsë

• ¿Wiˈix mbäädë wiink jäˈäy xytyukpudëkë ja mˈääw mˈayuk?

• ¿Mëdiˈibë ääw ayuk kyaj xyajtunäˈäny?

• ¿Ti xypyudëkëyäˈänëm parë xëmë ngäjpx nmaytyakëm tsuj yajxon ets oy nyajnayjyäˈäwëmë wiinkpë?

AK PAYEˈEY

¿Ti mbäät xypyudëjkëm parë tsuj yajxon ngäjpx nmaytyakëm?

Nˈokˈyajnigëxëˈkëmë wijyˈäjtën ko ngäjpx nmaytyakëm 8:09

Nijawë ti mbäät mbudëkëty parë kyaj xyajpëtsëmëdë ääw ayuk mëdiˈibë tsäätsy mäˈät.

“¿Tim axëëk ko nyajpëtsëˈëmëmë ääw ayuk mëdiˈibë kyaj yˈoyëty?” (Myiny mä jw.org)

Nijawë ti mbäät xytyuny parë kyaj myajkajpxyyeˈeyët

¡Jëjpkudijë piˈtsˈëy piˈtskajpxy! 2:36

Nijawë wiˈixë Jyobaa tpudëjkë tuˈugë yetyëjk parë kyaj tnekyyajpëtsëëmyë ääw ayukë tsäätsy mäˈätpë.

“Ojtsëts nwinmay pën duˈunëtsë njukyˈäjtën nˈakˈyajnëjkxäˈäny” (Myiny mä Diˈib Xytyukˈawäˈänëm)