LEKSION 53

¿Kyupëjkypyë Jyobaa ja ixy jawë o tijaty mdukxondakypy?

Mëdë notë

Jyobaa yëˈë ja “Diosë jotkujkpë” (1 Timoteo 1:11, TNM). Yëˈë tsyojkypy nyajpatëm agujk jotkujk ets ndukxondakëm ja jukyˈäjtën. Tsyojkypy nanduˈun ets njuˈtëmë tiempë parë nboˈkxkojëm waanë. Mä yäˈädë leksion nˈixäˈänëm wiˈix mbäädë tiempë nyajtuˈunëm ko nboˈkxëm parë agujk jotkujk nnayjyäˈäwëm ets nanduˈun nyajnayjyäˈäwëmë Jyobaa.

1. ¿Ti mbäät xyaˈity mwinmäˈänyoty ko xywinˈixët ja ixy jawë o tijaty mdukxondäˈägaampy?

¿Ti mduumpy ko mboˈkxy? Ta näägë jäˈäy mëdiˈibë yaˈëëwdëp, telebisionkˈijxtëp o tyëkëdë mä internet. Ets ta netë wiinkpë mëdiˈibë nyinëjkxtëbë jyëëky myëguˈuk parë mëët kyäjpx myaytyäˈäktë, nyëjkxtë ëyëˈk kuyäjtpë, nëëguyuumbë o nyëjkxtë muum. Per oy ti ndunäˈänëm, tsojkëp nˈijxëm pën kyupëjkypyë Dios (Éfesʉ 5:10). Jëjpˈam etsë yäˈädë nyaˈijtëm winmäˈänyoty, pes tyam, yëˈëyë mayë jäˈäy yˈixandëp, myëdowandëp o tyunandëp tijatyë Jyobaa yˈaxëkˈijxypy, extëm mä jäˈäy nyaytyunëdë axëëk, nyaymyëtˈit nyaymyëttsëënëdë ets mä dyajtundë ja kaˈoybyë myëkˈäjtën (käjpxë Salmo 11:5). ¿Ti xypyudëkëyäˈänëm parë nduˈunëm mëdiˈibë oy?

Pën ja nmëtnaymyaayëbëˈäjtëm tsyojkypyë Jyobaa, xypyudëkëyäˈänëm parë yajxon nwinˈijxëm ja ixy jawë o tijaty ndukxondäˈägäˈänëm. Extëm të nˈijxëm mä leksion 48, ja “mëdiˈibë näjx tëjkëp mëdë jäˈäyë kuwijypyë nanduˈun jyëmbitäˈäny kuwijy”, per ja mëdiˈibë näjx tëjkëp mëdë jäˈäy mëdiˈibë kyaj tmëjˈixtë ja Diosë yˈanaˈamën “axëëk jyatäˈäny” (Proverbios 13:20).

2. ¿Tiko jyëjpˈamëty nˈijxëm nuˈunën ja tiempë nyajtuˈunäˈänëm?

Mbäät kyaj wyiˈixëty tijaty ndunäˈänëm, per oy ko nnaygyuentëˈäjtëm parë kyaj kanäk oorë ja tiempë jam nyajnëjkxëm. Pes mbäät kyaj nekyyajnibatëm parë nduˈunëm mëdiˈibë jëjpˈam. Biiblyë xyˈanmäˈäyëm: “Yajtundë yajxonë mdiempë” (käjpxë Efesios 5:15, 16, TNM).

AK NIJAWË NIˈIGYË

Min nˈokˈijxëm wiˈix mbäät yajxon xywyinˈixy ja ixy jawë o tijaty mdukxondäˈägaampy.

3. Jëjpkudijë ixy jawë mëdiˈibë axëëk

¿Tiko yˈoyëty nwinˈijxëm ja ixy jawë? Ixtë BIDEO ets nimaytyäˈäktë mëdiˈibë yä yajtëëpy:

BIDEO: ¿Tits mbäät ndukxondaˈaky? (4:39)

¿Wiˈix tyam nanduˈun jyaˈˈatyë ixy jawë extëm mëdiˈibë ijty ja romanë jäˈäyëty tyukxondaktëp?
Extëm të xyˈixy mä bideo, ¿wiˈixë Danny tnijäˈäwë mëdiˈibë ixy jawë oy ets mëdiˈibë kyaj?

Käjpxtë Romanʉs 12:9 ets nimaytyäˈäktë mëdiˈibë yä yajtëëpy:

¿Wiˈix xypyudëjkëmë yäˈädë tekstë parë nwinˈijxëm ja ixy jawë?

¿Tijatyë Jyobaa yˈaxëkˈijxypy? Käjpxtë Proverbios 6:16, 17 ets Galasyʉ 5:19-21. Ko xykyäjpxtäˈäytyët tuˈuk tuˈugë yäˈädë tekstë, ta xynyimaytyäˈäktët mëdiˈibë yä yajtëëpy:

Tijaty yajnigäjpxp mä yäˈädë tekstë, ¿mëdiˈibë mas niˈigyë pëtsëëmp mä ixy jawë?

Winˈix yajxon ja ixy jawë o tijaty mdukxondäˈägaampy

Nayajtëwëdë:

¿Myëmiimpy tijatyë Jyobaa yˈaxëkˈijxypy?
¿Xypyëjkëyäämbëtsë tiempë mätsë Diosë tyuunk ndunanë?
¿Xyajtuˈukmukäämbëts mëdë jäˈäy mëdiˈibë kyaj ttsoktë Jyobaa?

Parë kyaj nˈayoˈonbatëm, tsojkëp njagamgakëm mä nˈijxëm kyutsëˈëgëty. Pääty, ninuˈun mbäät ngamëwingoˈonëm mëdiˈibë njäˈäwëm ko mbäät xyaˈˈayoˈonbatëm.

Tuˈugë kotsyë yˈayeˈeynyaxäˈäny. Ja yantë mëdiˈibë ëxkëˈëy tap kyutëkë.

4. Yajtun yajxon ja mdiempë

Ixtë BIDEO ets nimaytyäˈäktë mëdiˈibë yä yajtëëpy:

BIDEO: ¿Mä mxëëw mdiempë xyajtuundäˈäy? (2:45)

Ja mixy mëdiˈibë të nˈijxëm mä bideo kyaj nety ti axëkˈäjtënë tjaˈixy, ¿per mä nety dyajtuundäˈäy ja tiempë?

Käjpxtë Filipenses 1:10, TNM ets nimaytyäˈäktë mëdiˈibë yä yajtëëpy:

¿Wiˈix mbäät xypyudëjkëmë yäˈädë tekstë parë nnijäˈäwëm nuˈunën ja tiempë nyajtunäˈänëm mä nˈijx njäˈäwëm o tijaty ndukxondäˈägäˈänëm?

5. Winˈix mëdiˈibë oy

Taaˈäjtpë ixy jawë o tijaty ndukxondakëm mëdiˈibë Jyobaa kyaj tˈoyˈixy, per taaˈäjtp nanduˈun mëdiˈibë kyaj wiˈix tˈixy ets mbäät ndukxondakëm. Käjpxtë Eclesiastés 8:15 ets Filipʉs 4:8, ets nimaytyäˈäktë mëdiˈibë yä yajtëëpy:

¿Ti mtsojkënyëˈajtypy xytyunäˈäny ko tiempë xymyëdaty?

Yaˈixyë dibujë mä tiiyëmë jäˈäy tyukxondaktëp: 1. Tuˈugë kixyuˈunk tam kyoy ets tmëdoowˈityë ëy. 2. Nidëgëëgë yaˈayˈënäˈk ttukˈëyëˈëk ttukuyattë basket. 3. Nimajtskë ënäˈkuˈunk dyajpëyëˈëktë bisikletë. 4. Tuˈugë mixyuˈunk tmaˈkxyë yˈiˈk karrë. 5. Tuˈugë yetyëjk tpotsyë tamboor. 6. Tuˈugë mixyuˈunk mëdë tyeety ttukˈëyëˈëk ttukuyattë bideojueegë. 7. Tuˈugë toxytyëjk yajretratëpëtsëmy. — Mbäät ndukxondakëm tijaty mëdiˈibë kyaj yˈaxëëgëty.

NÄÄGË JÄˈÄY JYËNÄˈÄNDË: “Kyaj wyiˈixëty ko nˈijxëm mä jäˈäy axëëk nyaytyunëdë, yˈit tsyëënëdë o mä dyajtundë kaˈoybyë myëkˈäjtën ¡Nëgoo kots ngatuny!”.